漂泊中的魚

上星期塱原又有活動, 今回是文靜一點的 “塱原田園音樂會” !

想像一下, 在一片農田平原上聽音樂, 想像下都覺得好舒服 ~

今回又是一個好天氣, 剛下田就遇到賣菜婆婆, 就想到是日有口福, 可以跟她買菜回家了 !

入得黎塱原幫手, 都離不開係幫手煮野食, 是日就煮番煲西洋菜蜜俾大家飲下啦 ~

冇野好玩得過, 用柴火黎煮野架啦 !

先來大約 10 斤西洋菜, 蜜棗落左斤半左右, 煲番個幾兩個鐘咁, 最後再落冰糖調味, 咁就完成啦 !

都真係凍飲熱食兩皆宜 !

同場還有紅豆沙添呀 !

呢個爐火仲可以用黎做乜 ?

咪就係用黎煨蕃薯囉 !!

義工及員工們, 竟然有人準備埋午飯, 咁我又梗係要去幫下手, 就切下野咁啦 !

時間尚早, 天氣還是有點灰濛濛, 表演的人們正在開始綵排 …

當我煲住西洋菜蜜之時, 聽著音樂, 望著田野, 感覺很輕鬆.

諗下, 真係應該係度搞番次, 田園私房大食會呢 …

下午, 音樂會正式開始, 一家大大小小的就席地坐於台前, 聽著 5 個不同參與單位的表演.

活動氣氛不錯, 熱鬧之餘, 還很輕鬆.

大人可以享受一下音樂, 小孩則可以東奔西跑的放放電 !

離開塱原前, 我們找到了賣菜婆婆, 結果就得到新鮮剛收割回來的蔬菜.

買了西洋菜, 豬乸菜 & 粗身芥蘭, 真係樣樣都超甜超鮮 !!

有機會要再入去買菜哦 ~~