清明放假日, 藍天白雲好天氣, 又是本地遊的好日子 !
跟車來到港島區, 又尚未到跟朋友相約時間, 就到鰂魚涌公園內的葛量洪號滅火輪展覽館參觀一下.
葛量洪號滅火輪前身為香港滅火輪隊的旗艦船, 於 1953 年於香港製造, 直到 2002 年才退役, 足足為香港服務了 50 年.
滅火輪如今已經被改為展覽館, 並開放給公眾參觀.
唔黎過都估唔到海濱公園內, 竟然收藏左一條消防船呀 ! 呢架滅火輪都真係幾有型, 值得黎睇下影下相 ~
除左舺舨, 原來部份船艙都被改裝成展覽室, 大家都可以入內參觀.
而全船最正的, 就係船頭高炒呢個位置啦 !
真係冇諗過呢架船係 Made in Hong Kong 咁鬼正 ~
午餐相約友人到 Lobster Central, 品嚐一下那聞名已久的龍蝦包呀 (好多朋友推介, 可惜我近期很少到港島區) !
兩人點了 Lobster roll + Crab roll + Fries, 午飯份量來說應該都足夠, 味道亦都唔錯, 間唔中都可以再去喎 ~
Lobster Central Openrice Review : https://www.openrice.com/en/hongkong/r-lobster-central-central-american-seafood-r480752
不得不說, 我已經接近 2 年没來這中上環半山區 hea Cafe, 而 Teakha 的 Masala Chai 配 Scone, 至今仍是深得我心的一家.
室內位置不多, 反正我也較愛坐室外位置, 坐坐下真係瞓著埋 …
Teakha Openrice Review : https://www.openrice.com/en/hongkong/r-teakha-sheung-wan-western-bakery-r81298
是日登山的起步點, 香港大學 !
我們在大學內穿梭著, 找尋上山的路線, 想不到這裡也是遊人們的景點區 …
來到龍虎山郊遊徑, 那就是正式上的路徑, 而且路上會遇到很多歷史古蹟建築 !
龍虎山環境教育中心就是歷史建築群中的一員, 原為西環濾水廠, 如今則成為展覽中心.
不過今回黎到冇太多野睇, 最靚就係棟建築物, 期待將來有更多展覽在此舉行 ~
維多利亞城界石一共有六座, 這條路線可以遇到其中兩座 !
我一直都有打算, 找天走上一圈去尋六座界石, 卻一直未能實行, 似乎要 call 人齊齊去了 !
繼續上山, 我們遇到了小蜥探頭出來八卦, 結果卻被我們嚇到, 自己掉頭便走 …
山下風景開始出現在樹群之間 …
這是松林廢堡, 我都係第一次到訪 !
呢個軍事遺跡都幾完整, 炮台, 營房 & 軍事建築群都仲清晰睇到, 而且四周樹林茂密, 作為郊遊景點都幾唔錯架 !
來到山頂附近, 我們就接著上西高山了 !
想欣賞港島區的山下城市風景, 又或黃昏日落大海的美景, 西高山真係絕佳地點 ~
站在西高山上的景觀台, 呢個 view 真係超級開揚呀 ~
先看山下中西區的大廈林立, 也可以看到另一邊的薄扶林/數碼港, 再望遠一點就連南丫島都睇埋 !
我們就坐在這裡看日落 …
陽光暖暖, 又送來陣陣清風, 應覺很舒服 ~
是日的咸蛋黃很圓 …
日落完成, 山下亮燈儀式開始 …
香港的夜景, 實在很不錯吧 ?!
經山頂廣場, 由芬梨徑下山, 係我最鍾意的香港夜遊路線 !
沿著山徑下山, 除左可以看到香港美麗的夜景, 仲可以找到是日第二塊界石 ~
晚飯我們想去吃沾麵, 本打算到周月這家米子蓮店, 可惜要排隊就免了, 轉戰隔離的座銀好了 !
各自點了湯麵跟沾麵, 兩者間以湯麵勝出, 一來湯底唔會太咸而麵質很好, 沾麵輸在溫度 ! 沾麵個麵是冷的, 而個湯則溫吞吞的, 因此當 2 者混在一起就似食冷麵多過沾麵了 ~ 值得一提, 這份炸雞都幾好味架 !
若問我回頭率, 若果人在附近而又想食拉麵, 我估我都會再番去 !
座銀 Zagin Soba Openrice Review : https://www.openrice.com/zh/hongkong/r-%E5%BA%A7%E9%8A%80-%E4%B8%AD%E7%92%B0-%E6%97%A5%E6%9C%AC%E8%8F%9C-%E6%8B%89%E9%BA%B5-r551177
