這朝早雖然又黃雨又雷暴警告, 但輪到我們出潛之時, 天氣驟變得風和日麗 !
今年潛友們都有點幸運, 潛到八月都大部份遇上了水清時間, 是日也不例外, 係漁排都可以咁水清 ~
第一潛, 我們來到打浪排, 水真係幾清架, 剛下潛就遇到佢啦 !!
突然成個 dive 變得好有外潛 feel, 又可以影到水底景, 又有大野影 …
呢個 dive 玩左 57 分鐘, 最深去到 15 m, 再下潛深一點就遇上一層奶白色水流, 靠近就有會有陣陣寒意, 所以我地都冇勇氣去闖過啦 ~
睇下, 大家睇下呢度係咪清先 !
記住呢度係打浪排喎 !!
好耐冇影過兔兔了 … 紅蘿蔔都好過冇 !
是日 2 潛都遇上佢 … 關刀 !
第二潛, 充斥著燕鷗的獨牛 !
今回只玩左 44 分鐘, 最深去到 12m, 因為嘛 … 這朝早食左唔啱消化的食物, 結果潛完第 1 支就嘔番晒出黎 …
第二支我都唔敢去咁盡了 !
左搵右搵, 都叫有隻 nudi 影下 ~
魚, 全部都係魚 !!
呢度的魚種又多, 又夠大條, 有火點, 細鱗, 泥鯭, 仲潛黎潛去都有條喇叭魚係左緊, 都幾精彩架 ~
午餐就係漁排搞掂埋, 九個餸好豐富呢, 仲可以白飯任裝添 ~
好啦, 是日兩潛又完成了 !
