漂泊中的魚

 

這個旅程早在 2018 年 Boxing Day 完成, 卻一直被我拖延至今才記錄下來 !

由於實在太鐘意西灣 / 鹹田呢條路線, 今回又遇上啱玩山友們, 可以再走遠一點, 衝出了大灣, 去埋東灣, 直出長咀 !

全桯一共 20 公里, 行下 hea 下又訓下, 都玩左大半天直到天黑 !

講左咁耐, 忘了話俾大家知是日起點在西灣亭 ! 直落西灣, 先來一碗豆腐花, 再接上麥徑第 2 段. 自經過左山竹吹襲, 雙鹿石澗係西灣的河口位好似改變左咁喎 …

 

過左西灣, 穿過山林, 就會見到鹹田灣, 我最鍾意就係呢個景架啦 !

鹹田灣士多前條獨木橋又變裝了, 水道收窄左, 條橋好似短左好多咁 ~

 

鹹田灣之後, 又係另一個灣, 再長再直一點的長沙灘 – 大灣 !

呢個沙灘真係堅靚, 如果有水源真係值得黎 CAMP 一次 ~

 

轉回山道之上, 要過埋最後一個東灣, 才可以踏入長咀之路 ~

 

第一回走在往長咀的路徑上, 真係全程好風景, 走遠一點, 辛苦一點也值得 !

 

長咀的標高柱 !

好廣濶的視野, 無盡的大海 …

 

長咀呢邊的 Landscape 都幾靚架, 唔怪得又是一個 camping 的熱點, 據聞呢度睇日出好正架 !

有冇朋友打算一齊去 camp 一次呀 ?!

 

登上相一中的小山丘, 算不算是登上咀之盡頭呢 ?!

 

尚有點時間, 我們齊齊躺在大草地上小睡了片刻, 這絕對是行山的最高享受之一 !

 

回程意圖經東灣山, 繞米粉頂過蚺蛇尖回赤徑, 黃昏時間的陽光配高山, 真係好鬼有 Feel ~

 

不過眼看時間跟體能略有不足, 蚺蛇尖應該是上不了, 還是乖乖的下山回東灣, 經大灣, 穿回大浪村, 再次接上麥徑第二段回程 ~

 

快要回到赤徑了 … Magic hour 的赤徑很美, 很平靜 !

 

除左份早餐, 全日只係食左一碗豆花, 飲左一罐汽水, 我地回到西貢市就好似餓鬼咁, 即刻要去搵飯食醫肚, 好在唔洗等位咋 !!

呢間雞飯真係唔錯, 抵食夾大件 !