點解選用上面張相作 Cover Photo ? 因為我第一次見到呢款兔兔囉 !
話說呢個 weekend 又出潛, 今回有幸跟高手出船, 坐快艇由白沙灣直出長短咀, 沿途飽覽香港地質公園之風景 !
第一潛就在長短咀之間, 真係估唔到呢度都有得玩, 呢潛我地長期在10 米內搵野影, 結果一潛就潛左 75 分鐘, 如果唔係水咁鬼凍, 我諗我地成班唔會想上水囉 ~
明明隻錶寫 21 – 22 度, 算係比上星期暖少少, 但反而落左水我覺得凍過上星期喎, 潛到尾我真係凍到震晒, 上左水都仲係度震緊呀 !
呢潛我係度勁影海兔, 見識左乜野叫一地都係兔呀 !
呢隻鍋貼仔, 初見時背部會攤平一點, 當受到外來光線照射, 就會慢慢將之合拼起來, 最後望落成隻餃子咁 ~
呢款係綠色身紫色頭, 同阿 Shrek 係咪 friend 黎架呢 ?!
呢隻野在水底都好突出, 藍色的身軀, 卻有著紅色的觸鬚及屁屁 …
光纖兔, 總覺得呢隻野好有型架 !
呢隻就永遠都咁 cute, 白色的身軀好似成隻兔仔咁 !
我開頭以為佢同之前隻係一樣, 點知番黎睇相先發現觸鬚顏色是不同的, 呢隻係黃色架 ~
呢隻鍋貼有大有小, 係呢種小草草上總可看到其身影 …
呢隻的點點又唔同色架 ! 呢款個樣好得意 ~
今回順道影下唔同品種的兔兔卵, 如同花卉般的形狀, 係呢個月份可以在海底隨處可見 ~
佢地係最 Common 的 common 野, 如果要說一地都係, 就真係一地都係佢地的身影囉 !
人地隻隻兔都細細粒, 就係呢隻野成隻滑鼠咁大隻, 好巨型架, 但咁大隻就會令人覺得有點核突囉 …
呢隻係第一次見到, 好鬼難影, 都唔知點 focus 好, 唯有係咁對住佢個影去拍囉 …
咪就係點影都係一 pat 野咁囉 …
潛潛下, 成日低頭搵野, 點知一抬頭就見到鮣魚係我地附近巡游, 點知當我準備影下佢時, 佢就加速咁逃走了, 好在仲影到一張啫 !
凍到死, 又就黎冇氣, 尤其匆匆 focus 左 2 張, 就上水去了 !
剛係水底我都覺得似乎大湧左, 點知上到水先發現已風高浪急, 在水面時浪一波波咁打埋塊面度, 原來已經翻左風了, 我地唯有快快上水, 抵著大浪下盡快駛回內灣去 ~~ (嘩 … 真係差點湧到嘔出來 …)
第二潛, 我們回到浪茄, 內灣位因此很風平浪靜, 事實上山水是可以變化很大, 也是可以很無情的, 因此大家玩時要多加留意, 小心應對以保安全 !
呢一潛很不幸, 我的相機電池蓋不知為何會彈開了, 結果一跳進水中, 理所常然的入晒水, 尚保得住張 SD 卡已算係咁了 … 很令人傷心的是, 這部相機是新買的, 不足一個月, 也只用了 3 潛, 唉 …
因此呢一潛, 即使見識到第一回見, 而且係浪茄獨有, 非常有美感的紅牛, 我也没能拍到了 !! ~>_<~幸好, 我問隊長拿了轉載權, 可以在這裡 PO 2 張紅牛相俾大家睇下, 係紅色水草間生活的牠們, 係咪好鬼靚呢 !?
好啦, 呢幾日要解決相機問題, 希望下一回出潛之前, 我會買得到新一部水底相機啦 … So sad …
