這個月初去了一轉台灣, 經高雄去墾丁來個單車遊, 路經高雄之時, 我地去左 2 間幾唔錯的餐廳, 今回就想寫低一下, 等朋友們下次去高雄可以試下 ~
第一間就係建築物外型尤如博物館的燒肉店 – 碳佐麻里時代店 ! 我們到訪之時為晚上, 光影之下的餐廳外觀, 都確實真係幾搶眼架 !
呢間店有多受歡迎呢 ?! 我搵左台灣朋友代為訂坐, 為遷就航班到達時間, 選擇預訂了晚上 9 時, 結果來到店中還得再等大半個小時, 才可以入座. 放眼所見, 大部份顧客皆為本地人, 原來台灣人真的很喜歡夜半三更去烤肉架喎 ~
碳佐麻里時代店 Webpage : http://www.crun.com.tw/
餐廳不單外表有氣勢, 餐廳內的空間超級廣濶, 單看相中那廚房出菜的走廊, 真係又長又濶, 而我地入座的環境也很不錯, 可以看到窗外水池, 仲間唔中有 2 隻天鵝游過架 !
這餐廳的食品質素真係值得一讚, 飲品好飲又有誠意, 那枝水果茶大大杯, 仲要有勁多鮮果, 味道一流 ~
沙律賣相已經好靚, 好 colourful, 而個 salad dressing 先係最大賣點, 用左本地香料馬告架, 好好味 !
魚生壽司反而算是最無驚喜的了, 不過食材真係好新鮮 !
燒烤方面, 我們點了澎湖明蝦, 香菇盛合, 安格斯黑牛組合 以及 特級牛舌, 好食到完全冇投訴, 只感嘆了一句, 點解連菇都可以咁好食 !
如果要說這餐最大敗筆, 就要算是這個甜品了 !
紅豆綠茶刨冰, 其實刨冰質感及味道配搭也不錯, 可惜綠茶口味用的是茶精, 不是真正綠茶粉, 因此一口吃下去就有那種香精味 … 好唔鍾意囉 ~
我地係高雄入住的酒店, 就在愛河之心旁, 食太飽就決定先去公園逛逛 !
酒店冇乜太多介紹, 價格合理, 房間整齊舒適, 咁就夠啦 ~
第二間餐廳係回程之時, 去機場前跟高雄朋友相約下, 齊齊來到六木 (Roku Moku) 吃了一頓美味午飯 !
雖然六木才是這天的主角, 但隔離餐廳門面反而更搶眼 …
餐廳環境不錯, Menu 一看就會令人有想點菜的衝動, 重點係當野食送上黎之時, 食品賣相係同 menu 張相一致架, 魚生飯同菇壽司都排得好鬼靚呀, 只要加點醬油同日本芥辣, 將魚生飯攪拌好一齊食, 每一啖味道都好豐富 !
點飯餐之餘, 可以再點一壺特色本地茶, 感覺剛剛好 ~
回家路上, 剛好在 HK 市區上空略過, 天清無雲下可以一覽 HK 市區風景, 好少日頭就已經番到 HK 架嘛 !
