南極之旅, 大部份同船的乘客會跟隨遊輪公司所安排, 先在 Buenos Aires 住一晚, 再乘包機轉飛到 Ushuaia, 不過我同朋友預先有南美其他行程, 所以就要自己去到 Ushuaia 跟番大隊了 !
Day 1 :
我們於下午三時左右可以登船, 先要走經看上去很冷清的 Puerto de Ushuaia, 內有一個所謂的 Passenger Control, 不過真係 show 下 passport 同登船 permit, 就可以通過, 而最估唔到內裡竟然都仲有一間小小的手信店, 朋友竟然係呢度都可以買到雀鳥圖鑑囉 … …
今次的極地之旅, 我們登上了 Norway 郵輪公司其下的 MS Fram (又名前進號), 是一艘走遍南北兩極的極地探險郵輪, 郵船噸位比預計中巨大, 而且郵輪的設旅頗為豪華, 是令人有點喜出望外的遊輪之旅哦 !
登上船已即時 check in 到我們的房間, 雖然我們入住的只是六樓的內艙房, 但已經非常舒適, 設備一應俱全, 更何況我們多數會跑到七樓的 observation deck, 又或到 8 樓 open deck, 房間真的只要有張床就夠啦 !
八樓的 open deck 除左係欣賞南極風景的好地方外, 仲可以找到 gym room & 2 個 Jacuzzi, 講真欣賞著一道道冰川黎浸暖笠笠的 Jacuzzi 又或 望住在暢泳中的企鵝黎跑機, 這 2 個皆是我係南極的重要體驗, 真係講出黎都俾人話我浮跨呀 ~
七樓的 Observation Deck 係我地最愛蹓蹥的地方, 呢度有好多望窗靚位可以安坐, 又有熱飲機任裝, 到了下午茶時間又會有糕點小食, 而且每天皆有新聞提供, 如果在房間找不到我, 咁九成我會在此閒 hea 著 … 聽音樂, 睇書, 看海, 曬太陽 甚至瞓覺 !
船上的工作人員, 每天都會提供當日的 Daily Program, 同時也會適時作出廣播作提醒, 我地咁乖就梗係每一晚都會預先望一下第二天的行程啦 !
上左船, 冇野重要得過做 mandatory safety drill, 人人都要學會點係呢架船上求生, 咁當然包括埋點著番件救生衣啦 !
郵輪準時於下午六點出發, 看著我們慢慢遠離 Ushuaia 了 !
由於才剛駛入 Beagle Canal, 這會尚算風平風靜, 至少我們還吃得下郵輪提供的第一頓 Welcome Dinner ! 這裡的餐飲主要以 Buffet 形式, 不過吃不吃得下全看大家的能耐, 只要那麼暈一暈船浪, 我可以保證真係咩都食唔落呀 ~ 因此橫渡 Drake Passage 的那兩天皆只有 Set Dinner 提供, 據我觀察至少有 4 成人係出席唔到呢個 Dinner, 點解 ?! 咪就係暈船暈到唔係嘔, 就係要攤係床度瞓囉 !
船上的膳食如何 ?! 餐湯是必然的, 頭盤 及 主菜的款式很多, 而且大都味道不錯, 就是甜品款式有限, 色香味皆差那麼一點點, 我亦相對不多吃, 就那麼 1 – 2 口試味吧 …
在 MS Fram 上渡過的首個黃昏, 我們經過那風光明媚的地段, 踏著智利與阿根廷邊界的 Beagle Canal, 直到晚上十時多, 郵輪才轉駛入惡名昭彰的 Drake Passage ~~
第一晚的活動是船員團隊的自我介紹, 不但 Captain 同幾個大副會出現, 主廚以及 船務經理都會出黎跟大家見面, 但卻也敵不過班探險團隊的 Scientist 成員, 個個都係某個領域獨當一面, 由地質到生態再到環保, 佢地都可以話係好專業, 仲要一團來 10 個添 !
Day 2
早上起來之時, 已開始感到船隻的顛簸, 幸好早餐還勉強能被吃下去 …
早上我們尚有時間及體力, 可以幫忙去觀察在 Drake Passage 上生活的 Sea Birds, 但隨著海浪由 2 米高, 慢慢增強至 5 米, 再到後期已經演變成 5-7 米 高, 我們開始陸續受不了 …
咪以為橫越 Drake Passage 冇咩好做喎, 這天其實很忙碌, 又要整理裝備, 又要聽 lectures …
這時, 午餐只喝了半碗湯的我, 在密室困了 1 小時後 (主要去聽 mandatory lecture), 我正式宣告失守, 回房間吐了一回, 那就得吃下一粒日本暈浪丸, 自此我整個下午都呈半昏迷狀態, 足足半睡半醒了數小時 …
郵輪上的小賣部有售南極郵票, 在此建議各位上船前最好於 Ushuaia 買定 postcard !
船上的 postcard 款式有限, 每張價格大約 Nok 10 蚊左右, 而預先於 Ushuaia 買到的只大約 AR$ 8- 15 左右, 有大量款式可以選取 !
咁至於點解要買 Postcard ? 咁就梗係因為南極係有地方可以寄出啦 !!
話說我足足迷了大半天, 直到大約下午 5 點左右, 我才突然清醒過來, 接著就沒有了暈船之感, 而且可以吃完一份 4 course set dinner 添呢 !
不要再問我這天做過什麼, 基本上像是全斷了片一樣, 只能感嘆一句, Drake Passage 果然名不虛傳哦 !
這晚, 我依舊在床上隨著風浪浮動, 那 40 個小時的橫渡 Drake Passage, 直到這刻才只算是過了一大半咋 ~~
