漂泊中的魚

 

隔左一排冇去台北, 今回趁暑假完結前, 過去吃吃喝玩樂一番 !

我一向去台北都住中山 AMBA, 今回發現 AMBA 房價硬要加埋早餐後, 令房價上漲了, 因此今回換左個新 base, 價格都係咁上下的 Jolley Hotel (晴美公寓酒店), 結果有驚喜發現 ~

呢間酒店地點都係中山區, 我一向比較熟呢區, 算是旺中帶靜, 又近捷運站, 附近仲有一個小型夜市, 食檔都開到幾夜下, 唔似其他夜市 12 點左右都收晒.

酒店房間, 每一間都係小型 apartment 咁, 有廳有房仲有 pantry, 空間感很足夠, 仲有小陽台可以出去望下街, 真係幾舒服架 ~

Jolley Hotel Webpage : http://www.jolleyhotels.com/

Jolley Hotel Tripadvisor Review : https://www.tripadvisor.com.hk/Hotel_Review-g13808671-d15232409-Reviews-Jolley_Hotel-Zhongshan_District_Taipei.html

 

酒店樓下轉個彎, 就係我剛才提及的晴光夜市, 而我留意到黎呢度食野, 多數係住係附近的居民 !

夜市小小的, 但已經有齊常吃到的烤串燒、鹽酥雞 & 水果, 如果要食大份一點, 粉麵 / 飯類都會買得到, 最重要係 … 買左唔想係條街度食, 可以帶番去酒店慢慢嘆呀 !

相中呢 2 間檔攤係最多人幫襯架, 鹽酥雞要等好耐下, 最好先落左單, 而串燒就真係烤得好好食, 水果店有現打果汁同切好的水果, 都值得一買呀 !

 

早上, 酒店包早餐, 普通貨色但勝在食品種類樣樣有些, 最好係會附上一杯鮮榨果汁 / 蔬菜汁 !

呢度坐下, 飲杯咖啡都幾舒服架 ~

 

早餐真係唔洗大份, 接住已經去食好野, 朋友介紹的日本料理 – 逸鮮棧 (Fresh Station).

只係午餐呢, 就唔咁豪黎個 Okamase, 每人點了一份中價套餐, 就可以邊吃邊聊天 ~

套餐先來一份冷盤 – 酸酸甜甜的開胃果凍, 再來鮮甜的魚生 2 式, 唔錯 !

 

這個吉列炸蠔, 炸得恰到好處, 外脆內嫩架 !

至於這個汁煮魷魚, 夠入味, 魷魚唔會太韌, 都好食.

 

套餐內唯一肉食 : 牛舌兩食, 我反而覺得普通啦 ; 朋友們不吃牛, 可以轉烤黑毛豬.

 

我覺得全店最驚喜, 就係佢地提供的漬物醃菜, 真係款式又多又好味, 而且顏色配搭都好靚呀 !

第一碟係白蘿蔔, 紅肉芭樂 & 小黃瓜 ; 第二碟係 南瓜, 苦瓜 & 洋蒽.

 

結尾的 5 式壽司, 會部已經調味, 不用點豉油的 ~

小小份的鰻魚炒飯, 小吃多滋味 !

結尾 – 簡單卻豆味香濃的 豆腐布甸 + 時令水果 !

價格合理, 食品好睇好食, 值得推介一下 ~~

 

下雨天去不了戶外, 那就看一下展覽吧 !

這個玩具解剖展 (JASON FREENY ASIA) 頗為有趣的, 即管去參觀一下 ~

剛踩入場館, 就見到了半身半內臟的 Bugs Bunny …

玩具解剖展 (JASON FREENY ASIA) Webpage :  https://www.huashan1914.com/w/huashan1914/exhibition_19051317022724755

 

竟然係度見到 Dunny 呀 !

Dunny 係我有一段時間儲過的 Figure, 不過佢越出越濫, 我就冇再買了 !

 

全場焦點之一 : 3 公尺高的冰雪 Elmo !

好鍾意佢連條腸都係藍色架 ~

 

小丑 與 Batman !

 

主要展館, 正中就係草帽細路 – 路飛 (半骨版) !

最好笑係佢連薑餅人都唔放過 ….

 

除左模型, 仲有 poster 解剖圖架 !

 

華山 1914 附近, 除左各式精緻咖啡店, 仲有生啤賣呀 ~

 

台灣朋友介紹我食呢間八月堂, 現焗現賣牛角包真係幾好食, 而且口味都有點特別, 當番到黎先知原來 HK 都已開有分店啦, 搵日我再去買黎試下先 !

 

最後介紹創意火煱料理店 : 寬巷子 !

呢間火煱店走高價路線, 餐廳環境不錯, 食品也頗有特色, 不過服務還有待改善.

來一個鴛鴦鍋, 接著盛宴開始 … … 不得不讚賞, 就連雜菜盤及肉片都要砌出如藝術品的格式 ~

寬巷子 FB Page : https://www.facebook.com/QuanAlley/

 

以下是這店的特色料理 : 圈囍蝦、千層蝦夷 & 菠菠糖 !

要下煱再煮, 仲要計時, 好講究哦 ~

 

久違的台北 101 ~~

對上一次, 好似已經係去倒數嗰一次了 !