剛剛的 weekend 很勤力, 連續 2 日都出海潛水去. 每日都潛足 3 支, 真係好耐都未有咁努力了. 人人說要抓著大藍水的尾巴, 事實上最近水質確實轉好了, 我們今回走訪了 3 個潛點 : 果洲、火石 與 甕缸 !
應該聽說最近水質不錯, 潛船直駛至果洲, 下水後才發現水質一般般而已, 過了12 米就什麼都看不到了 … 剛下水不久, 找到了扁蟲一條 (Flatworm) !
不怎麼怕人的雞泡一雙, 不停在我身前徘徊, 卻就是不打算游遠 !
果洲兩潛, 我在魚樂無窮中 ……
兩潛皆在 6 – 7m 之間尋魚找兔, 每潛都玩了大約 40 多分鐘左右, 水療效果一流 !
結果, 小丑魚一個唔高興, 過來咬我的手背了 … …
第三潛改至 火石, 水之能見度立時提升, 今回帶著 2 個朋友, 終可以感受一下本地有如外潛的錯覺 ~
深度大約 7 米左右, 玩了 45 分鐘, 在石縫中找來一隻花紋特別的 Puffer Fish !
呢條小紅眼, 我只在遠遠拍到一張, Buddy 反而追拍到兩張高清照, Photo Credit to Ryan !
火石我只下了一支, 但接著的星期日, 我地再次到訪, 真係匆匆的潛多兩支呀 !
第一潛下水潛至 15m, 可惜一片混濁, 慢慢升回 8m 左右, 繼續在水中尋找各式物種, 但有感能見度比前一天 (星期六) 已相差一大截了.
第二潛最多只到 10m, 水似乎更濁了, 今回匆匆玩了 45 分鐘上水 !
再一次介紹, 魚樂真的可以很無窮, 見到幾多次都會有野想影呀 !
小小藍魚, 原來 zoom 近去看, 面部表情咁可愛 !
藏在珊瑚內的 Cowry, 好襯哦 !
第二支亂落, 竟然遇到多隻呢款唔算太細粒的海兔喎 !!
細鱗哦, 呢期好似成日見到佢哋咁 …
下午又改了一下潛點, 來到 甕缸 !
又係落唔到深水, 留在 5 米之內, 玩足 1 小時 ~
甕缸那珊瑚保育區內, 真係有好大片珊瑚存在架 !
埋尾都仲有野影下 !
日落黃昏, 帶點煙霞, 還好風景尙算不錯 ~
本年剩下的潛季時日不多了, 看準機會就要出發了 !
