長假期的最後一天, 早上還在橫風橫雨中, 下午卻得到了藍天白雲 !
這天跟海下的士多老闆娘預約了獨木舟, 順利開車直駛入禁區, 衫都唔洗換, 著上助浮衣, 拿起船槳, 我們出海 Kayaking 去 !
第一站, 近近地的 WWF 海下灣海洋生物中心 !
呢附近我地都有潛過水, 但划著獨木舟穿過, 還是第一次 ~
第二站 : 附近小沙灘 !
這個小灣之內, 住了無數咁多粒海星, 星叠星的情況很普遍 !
不過始終沙地水易濁, 浮潛不太理想, 玩左一陣就轉地方去 ~
喜歡在大海上飄揚, 感覺就是自由自在的 ….
回到珊瑚保護區, 先將獨木舟綁好, 我們紛紛跳進水中浮潛去 ~~
這區珊瑚還不錯, 而且水質過得去, 吸口氣就可以潛到落底搵魚呀 !
八爪魚都俾我地搵到哦 !
這區魚群數量不少, 而且有番咁上下 size, 係呢度足足可以玩個幾鐘魚樂無窮呢 ~
時間不早, 獨木舟的歸還時間為下午 5 點, 那我們也順勢回程了 !
難得拍了些 video, 那我拼拼貼貼的砌了段片跟大家分享吧 ~
這天的海下灣, 美麗而寧靜, 白砂一片, 湛藍大海, 當下竟然令我有置身國外的錯覺 ~~
海下灣的獨木舟之旅, 要繼續擴濶我們的路線圖呀 !
我從未玩過獨木舟, 請問有無要求識D咩先可以玩?
um … 我諗至少識游水, 同埋基本操控啦.
雖然在海下內灣唔會太大浪, 但萬一出左去你唔夠力划番黎, 都好大問題架.
你好~~最近在找一些獨木舟的文章
請問如果想在遠離岸邊的地方浮潛，需要如何固定獨木舟防止漂走??
都真係冇計喎, 要水中有浮波先可以固定到.
何況遠離岸邊的話, 多數都係較深水, 以 HK 水質黎講, 太深你未必睇得清水中環境, 同埋咁深潛落去, 先唔好講夠唔夠氣, 冇學過 Free Diving 咁一上一下都危險架喎 ~
請問可唔可以講下有關泊車入禁區詳情？
你如果係同士多訂艇, 佢會幫你申請, 只需提供車牌就可以了
我和小朋友想划獨木舟到銀洲，磨洲野餐。 銀洲，磨洲可上到岸嗎？
我自己冇去過呀, 但見相呢係石灘, 小朋友會唔會難 D 上岸呢 ?!