由西貢坐 94 巴士, 去到大灘落車, 沿車路一直接上大灘郊遊徑.
大灘郊遊徑其實都幾行, 又容易, 又沿海邊咁, 幾舒服架 ~
好幾次望番去對岸, 都可以望得到黃石碼頭 !
我們行經一個小沙灘, 在海邊看到這麼一個個的小透明圏圈, 軟軟的尤如水母咁, 但又唔太似, 唔知係咩黎架呢 ?!
唔經唔覺, 灣仔 (Wan Tsai) 已經在望, 所以話呢條大灘郊遊徑真係冇乜難度架 !
是日的目標, 其實係這個灣仔半島之盡頭岬角, 又名棺材角 (Ocean Point) ! 而要去呢度都唔算太難, 由相二中的指示牌轉入小徑, 一直沿著小徑前進, 途中還可以見到塔門之全景 !
來到叢林中, 會看到相中這條隱敝的索道, 斜度還不算太過份, 慢慢下降就可以了 !
走過索道, 就會在大石面出現, 這裡石與石之間的落差頗大, 行進時宜小心 ~
好野 ! 係呢度一眼就望到了棺材石架啦 ~
唔同角度下的棺材石, 我都影左一次咁囉 … …
係海邊玩夠了, 我們就可以原路回程, 經番灣仔營地後, 離開灣仔半島.
離開最簡單的方法, 就係經海下灣走架啦, 海下灣有架小巴可以直接出番西貢的 !
不太困難的 13 公里, 值得走走 ~
