無啦啦又偷懶左一個月, 本星期又開始番去行山, 就由大帽山開始吧 !
大帽山有幾熱鬧, 最近有去過的人都會知道, 因此我地就唔由針山起步, 改由龍門郊遊徑開始吧 !
正打算起步間, 卻無意中看到正蛻完殼的斑蟬 (上網搵的, 未 FC), 好有趣哦, 來個 close up 俾大家睇下先 ~~~
大帽山果然係大霧山, 一年黎咁多次都總會遇上大霧, 今回我們常在薄霧中的樹林下穿梭, 這種涼涼的天氣卻正是練山好時候 !
經龍門郊遊徑上山真係唔錯, 至少真係冇乜太多人 ~
繼續上山就要過相中這條澗, 不過要小心一點, 大小石頭都有點跣架 ~
呢條路線的沿路風景不錯, 有竹林也有樹林, 而冇幾遠就會接番上麥徑大帽山上山段啦 ~
繼續登上大帽山, 前路總是一片迷濛 ; 當上到雷達站之時, 更是不正常的人山人海 …
實在忍不住想問, 何以行上山都仲係有人要食煙架呢 ?! 只想講周圍咁多人, 咁迫人食二手煙, 係咪有點自私呢 ?!
去到大帽山頂停車場, 我地唔再沿石屎路下山, 反而轉往大霧山瀑布 & 施樂園方向, 呢邊有路可以直往川龍, 咁又可以再避開人潮了 ~
雖然下午還是有點大霧, 但還是可以欣賞到部份山下景色 …
去川龍本想飲茶, 但到達時間略為遲了點, 茶市已收, 唯有去附近小食店, 倒也找到了一家有誠意的小店, 没有門牌我甚至連餐廳名字也找不到, 卻點了一杯賣相不簡單的蝶豆柚子飲品, 而且這裡的雞翼是煎的, 輕焦的外皮, 嫩滑的雞肉, 誠意十足 ~
話說前一晚, 我也上了大帽山, 跟著蛇王去找神獸 …
這晚只算是薄霿圍繞, 卻風大得很, 得以讓我們看到了山下的夜景 ~
這晚蛇是找不到的了, 卻找到了其他小動物, 有圓馬陸及各式的青蛙, 都叫做有野睇到下 ~~~
離開前, 再睇多一下山上夜景吧 ~
