剛過去的 Weekend 天氣有多惡劣, 相信大家都體會過了, 係紅雨黑雨流轉之間, 我卻足足出齊 2 日海, 好似對潛水非常之狂熱咁喎 ~~
星期六, 我係西沙公路濺過一個又一個大小水窪, 經過一片又一片的山泥傾瀉, 還是成功去到白沙灣碼頭上船, 看看碼頭的水質, 好似過左去澳門咁,泥黃一片 !
當船越往外駛去, 海水水質越見良好, 來到尖洲之時, 能見度還真的一點不差 …
我們跳上了快艇, 直駛去我都未潛過的潛點 – 短咀 !
下水最深 14m, 大約 23 度水, 潛左 52 分鐘, 能見度都有 5 – 6m 的, 講真落水明明 25 度, 但一過左 8 米就開始降溫, 真係潛到有少少震 ~~
朋友指點, 見到(寶貝螺) Cowry 在生蛋 ?!
旁邊仲有一對大小寶貝螺 ~
今回影左好幾款兔呀 !
先係有佢, 士多啤梨 ~
仲有呢條好靚的小火龍 Nudi !
嘩 … 呢條唔係 buddies 指一指我都真係睇佢唔到呀 !
今回真係試到 TG6 的微距效果了 ~
就係我地準備上水之時, 5 米水的意外大驚喜 !
一群 20 – 30 條左右, 長達 1m 的 Barracuda, 真正係本地水之外潛體驗呀 !
朋友 Share 的 video, 勁呀 !
第二潛回到尖洲, 玩左足足 70 分鐘, 最深都只係 10m , 所以有著暖暖的水溫 – 26 度, 暖水真係差好遠呀 ~~
第一張考眼力, 搵唔搵到我影緊乜野 ?! 近睇原來佢都幾靚仔 !
獅子呀, 浮游中的獅子呀 ~~
呢幾條好有型呀, 好似巡洋號咁架, 佢地係 幽面 / 章白 !
佢幾靚, 但有個唔好聽的名字 – 扁蟲 (Flatworm) !
仲有呢隻殺手兔 !
躲在暗洞中的八爪魚 !
好大隻的火箭兔呀, 靚 !!
又有佢呀 , 小火龍 !
海大探索, 呢日都真係算幾清水了 !
是日 2 潛完成, 回程時天氣還不錯, 呢日潛完唔夠 24 小時, 我將又再次出發去海中心了 ~~
下一篇再介紹 !
