剛剛個 weekend 都有出去潛水, 不過今日剛頒佈重出限聚令, 我想短期內又冇得去玩了 …
想知呢期大家有幾放鬆戒備, 睇下呢日的西貢碼頭迫爆了人, 而當中有好多人係等船期間, 都係冇帶口罩的, 如果今日呢度有 1 個人帶菌, 相信呢度唔少人都會中招啦 ~
看看是日的西貢海有多繁忙了吧 ?!
今回潛點係癩痢(洲), Trio Island, 原來我都好耐冇黎過呢度潛水啦 !
第一潛最深只可以去到 9.5m, 因為實在好凍呀, 只得 22 度水溫, 但我地竟然玩左 55 分鐘, 因為實在太多魚可以睇啦 !!
間唔中都鍾意影下獅子魚, 因為佢地顏色夠晒 sharp !
呢條將軍甲好鬼衰, 成日避開我個鏡頭, 剛諗住佢出黎就可以影, 嗰一大群胭脂刀就又游番埋黎, 直頭將個鏡頭塞爆左, 唔信你地睇下個 video 丫 !
鬼頭斑, 呢度真係好鬼多, 我呢潛至少見到 3 條, 仲要見到人唔走住, 望多 2 眼先閃番入石縫中 !
嘩 … 咩叫鬆毛鬆翼丫, 佢就係度鬆晒 d 鰭囉 !!
其他的魚魚合集 !
佢地話呢條叫泥斑, 我係第一次見到, 最初只見佢係石洞中眼望望, 影左一張想再影晒, 佢就轉身走了, 佢翻左先咁走, 我先覺得佢有點大條囉 …
蠔妹本身的顏色都幾好睇丫 …
Yellow Boxfish 長大左就冇咁可愛架啦 … 雖然個樣都係蠢蠢咁 …
唔同品種的 Puffer …
呢度都搵到龍蝦呀 !!
仲有呢條 moray 呀 !
中場加插, 多得隔離船之分享, 我地都有見到呢條橙色蛙蛙魚呀 !
仲見到佢放低左支釣魚觸鬚添呀 ~~~
第二潛轉左個位, 去左島之另一端下水, 又係玩左 55 mins, 水溫回升左少少有 24 度, 但 visibility 差左少少, 只能留在 6.7m 左右 …
呢度真係好多海星架 … 潛下潛下又一隻, 至少見到半打以上 !
總係間唔中會喺有醫生魚的清潔站, 見到細鱗架, 今個潛有 3 條呀 !
話佢係 common 野 – 白頸老鴉, 我之前都冇乜留意過佢, 原來佢影出黎都幾靚丫, 又粉又黃咁 ~~
Floral Wrasse 呢期總會見到, 仲要見親都唔細條架喎 !
Puffer 處處有喎 …
今回只有兔兔 2 款 …
牛鰍 & Piano !
佢叫 三點白, 唔點怕人, 仲成日游近我喎 …
影清楚一點, 佢都係嬲嬲豬咁樣 !
回程船上, 好壯觀的場景, gear 舖滿了整個船頭 !
潛完後的小聚會, 今次去左另一家 Cafe, 可惜今回咖啡及雪糕皆有點點令人失望 !
反正就是飲開的幾家 Cafe 岀品較出色, 下次機會再試下其他新野啦 !
是日潛水完成 !!
