呢個已經係 2 個月前的行程, 唔好問我點解而家先放上黎, 我自己都回答唔到呀 !
是日起點, 一個我從未落過車的巴士站 : 青馬管制站 (又名青馬收費廣場) ! 我地將會由呢度起步, 經過汲水門大橋之下, 沿海邊繞到花坪, 參觀一下没落了的藍鯨灣, 登上花瓶石, 攻上花瓶頂, 過了大陰頂, 回到欣澳, 全程大約 15 公里左右 ~
在某草地之上, 竟然見到尤如一個腦袋的東東在地上, 嚇了一跳, 卻原來是一種野菇來的 ! 同場還有黑色尤如狗糞模樣的野菌, 以及荷包蛋外表的長柄菇,以乎是為這天的野菇特集打响了頭炮 !
以為係青馬大橋, 原來呢一段係汲水門大橋 !
那麼, 在大橋之下的風景, 還有那麼一點的特色 ~~
呢 2 粒菇個樣, 點解咁似麵包呢, 仲要剛剛好焗完的樣子 ?!
呢個位有個幾得意的名字 – 二轉, 係呢度可以望到汲水門大橋全景及身後青馬大橋的一段 !
如果好天氣下, 應該好靚之餘, 仲會幾有氣勢添 ~~
沿著海岸的風景步道, 竟然又再搵多兩款野菇 ~~
二轉後就是三轉, 卻有著一個草灣碼頭 ~
又黎啦, 又搵到一種野菇了, 今日差唔多一站一野菇咁喎 !
海岸路線最後一站 : 花坪 !
呢度又可名為藍鯨灣, 曾是馬灣私人屋苑的私人沙灘, 當時設有小食亭及沙灘活動設施, 及後被掀發發展商於沙灘上設立的設施，並不符合「綠化地帶」的條例, 因此藍鯨灣從此慢慢就被人遺忘, 變成如今的半個廢墟 ~
事實上花坪村只算得上是半個廢墟, 係因為這裡尚有本地村民居住, 卻不會找到任何可補給的店 ~
據聞呢間就係當年的小食亭, 如今已經破敗不堪, 不過呢個位置確實唔錯架 !
其實如果一人讓一步咪好囉 ! 政府發個牌俾人地搞得靚靚仔仔, 而個發展商都唔好咁不負責任啦, 冇得做生意就由佢荒廢凋零, 成個沙灘垃圾堆積都唔理 !
花坪呢度都有一個小碼頭, 風景也不錯, 影相一流 ~~
好吧 ! 我們開始上山吧 ! 目標就係花瓶石 !
大家望住個目標行上山就得架啦, 山下風景會越見開揚, 仲可以清楚看到花坪, 連海灘後的寶石湖都見到架 !
呢個角度咁睇就真係似花瓶的 …
由山下往上看去的話, 就似一隻狗狗啦 (我甚至覺得似 Snoopy) …
但近看的角度, 就以一隻頭上有執毛的倉鼠, 仲要隻手仔攞住塊餅係度食咁樣架, 超得意 !!
我地係花瓶石上捱了一場雨, 混身濕透, 結果再上山之時, 已經係濃霧圍繞 …
呢支標高柱, 應該就係花瓶頂, 高 273m !
來到呢個位, 就要決定短線番落去青馬收費站丫, 定係好似我地咁繼續走長線前往欣澳 ~
沿著山脊而行, 四周一片翠綠之餘, 仲開滿了山捻花 !
山脊之上, 可以一邊望到沿著青洲灣, 另一邊則是迪欣湖及後方的迪士尼樂園 ~
向青洲灣方向望去, 可見到青馬收費站、欣澳站、欣澳灣 以及 鹿頸灣 (長索) ~
前往欣澳的下山位有點陡斜, 加上剛下過雨, 泥地變得非常濕滑, 去到呢個位要特別小心 !
落番去馬路之後, 想要穿過路軌去番欣澳站的話, 可以利用相中呢條隊道 …
望落去好似好 isolate 咁, 差點仲以為已經被廢棄左, 但原來真係可以過到去路軌對面架喎 ~
又搵到野菇啦 !
呢個 trip 我都唔記得左搵到幾多款了 ~~
欣澳灣有一個連島沙洲 – 長索島 !
原本計劃係我地都打算呢日行埋架, 點知 ….
來到陰澳村, 果然係好有特色, 浮木處處 !
大家係呢度走動要特別小心, 一來浮木長期泡在海水中, 因此長滿了青苔及蠔殼, 有青苔就自然會比較濕滑, 一個不留神踏中便會跣倒, 問題係浮木上的蠔殼亦非常峰利, 只要輕輕一鎅便會血流如注 ~
點解我地會咁清楚 ?! 事緣係同行友人係呢度拍攝期間跣倒, 被鎅出好幾條頗深的血痕, 為保傷口安全及衛生, 唯有快快帶她離開陰澳回到市區, 要盡快幫佢清洗傷口丫嘛 ~~
因此 … 去長索島任務 – 失敗 ! 我地下次一定 … 要 …. 再…. 去 ….. 呀 !
