上個月仲未爆出第三波限聚令之前, 我們剛好趕得及去海下出一次 Kayaking !
身邊成日有人問我, 點解明明係閒日, 都會有一班朋友得閒陪我去划艇架呢 ?! 都冇架, 夠爛玩, 捱得熱捱得曬, 咁就可以了 ~~
海下租艇都唔係第一次介紹, 唔再多講了, 今次一口氣 call 4 隻單人艇, 一人一艇爽好多 !
第一站又係 WWF 個海下灣海洋生物中心, 次次都要去碼頭底划過先安樂咁 …
熱身時間, 就慢慢沿 coast 而行 … …
呢次我地出得遠一點, 去到銀洲對出的一個小島打圈兼打卡 !
途中去到一個浮潛點, 屬珊瑚保育區, 呢邊的水質比較清澈, 但潛潛下我覺得有水螆咬咁 … … 又痕又痛呀 !
呢度見到大大條細鱗在巡遊 ~~
銀洲在望, 估唔到呢區水質咁清, 可以見底咁滯, 都唔少人 kayak 到呢區浮潛喎 ~
我地唔想阻到人, 就冇再次下水, 隨意划艇繞了一圈, 影過相打了咭就回程了 !
慢慢的划回海下灣 …
尚有時間, 再浮潛一下 !
終於有機會拍到呢隻小小的水母, 都幾靚架喎, 剛剛划艇之時都間唔中遇到, 但係水面就較難影相, 還是得跳進水中 ~
下午四時半前還艇, 非常悠閒的海中旅程, 下回可以試一下長線一點的路線 !!
