這天原定打算帶朋友行上山頂, 卻無意中發現山頂纜車竟然連隊都唔洗排, 咁多年黎都輪唔到 HK 人都去坐嘛, 而家仲坐下咩 ~~ 路程雖不遠, 但童年回憶番晒黎 ~~ 上到山頂, 先上一上山頂公園個秘位打個卡 ~ 呢個位唔會太多山友上黎, 正好可以跟朋友坐低 Hea 一會, 等候小朋友們的到來 ~~ 帶著小朋友們行山頂公園, 行下又買下小食做補給咁, 再帶佢地轉道往 Governor’s Walk, 在樹蔭之下探索一下, 下山石級路, 小朋友們倒也能走完全程 ~ 回到盧吉道, 往山頂廣場而行, 仲可以睇埋山頂維港景, 才去山頂廣場搵食醫肚 ~~ 盧吉道路面平坦, 非常適合小朋友去架 !
上幾個星期, 趁疫情稍為緩和之際, 我地帶住 3 個契女郊遊去 ! 雖然疫倩係好轉左, 但都唔敢帶佢地去太多人的地方. 呢次我地就去左較少遊人, 路徑平坦適合小朋友去的長沙引水道 ~ 起點始於石壁水塘, 藍天白雲, 翠綠群山, 大佛隱在遠山中, 呢度唔可以唔同小朋友打番個咭架 ~ 石壁水塘巴士站下車之後, 要沿馬路往回走一段路, 才是長沙引水道之入口, 也就是以下相中那片草地, 單講黎呢度野餐, 都夠開心啦 ~~ 咪以為引水道就會冇景睇, 呢仲引水道都幾靚架喎 ~~ 沿路又意外地多野睇 ! 小朋友對野外出現的小東西, 都會帶著一點好奇, 簡單如松果都能吸引著他們. 有幸還見到竹節蟲 及 人面蜘蛛, 小朋友們都蹲在那觀察著…