唔好意思, 呢一篇遊記, 我足足拖左幾個月, 到而家先有心機去寫番.
2020 年間, 我仲諗住冇得出門外遊, 咁總有時間去補番之前的遊記, 點知我連一個外遊的相片都冇處理到, 反而仲積多左本地的山系遊, 希望 2021 年我可以逐步整理, 遊記再次上載啦 !
話說嗰期疫情稍為平伏, 我地成功可以出海, 玩了人生第一次的本地兩日一夜 Liveaboard, 重點係除左有得潛水, 仲有得玩海上 BBQ 添呀 ~
呢日大海一點都唔風平浪靜, 第一潛我地先去遠遠地的火石 !
差唔多 3 點多下潛, 28 度水潛左大約 71 分鐘, 最深去到 16.1m, 都叫見到唔少魚架 ~
海上渡過的黃昏, 我們有大海, 有雲層, 有耶穌光, 還有 BBQ !
食材嘛 …. 豐富到可以食埋第二日呀 !
第二潛, 已經係晚上 10 點, 地點係甕缸, 水溫依然係 28 度, 主打 6 – 7m 水, 玩足 54 分鐘 !
本來以為唔多嘢睇, 點知影下影下都影左幾多魚架喎 ~~
在月色之下, 船駛回橋咀過夜, 這晚的月亮很圓 !
黎到橋咀都唔放過, 半夜 2:30 都跳左入水 !
半夜三更, 7m 水都可以玩足 63 分鐘, 其實我都真係好爛玩下 …
捱不過通頂, 在舺舨上睡著, 直到天亮 …
海上日出之美 ! 不得了, 不得了呀 !
晨潛 8:30 落水 !
瞓醒精神夠, 可以潛個 70 mins, 最深去到 12m, 是日水溫仲係 28 度 !
嘩 ! 我終於見到傳說中的橋咀沙巴躉, 不過佢堅係唔驚人架, 口中極多尖牙 ~
最後一潛, 係我好耐都冇去潛的吊鐘洲 !
水深 11m, 潛左 66 分鐘, 最少嘢睇都係呢一潛了 !
Day 2 的午飯, 就係第 2 輪的 BBQ 了 !
兩日一夜潛水之旅順利完成 !!
