10 月中, 在爆熱曝曬的一天, 我們決定來走一趟雞公嶺 ! 呢條山徑成日話要去行番次, 結果都係到呢日先係第一次行咋 ~
先唔講呢條山徑, 講左我地個早餐先, 竟然可以去到盛記食早餐, 呢間食店我地雞煲打邊爐外賣就買過, 食番碗雲吞魚皮餃麵都係第一次, 而呢度出品之質素都唔洗懷疑架, 真係唔錯架 !
聽聞呢度的盆菜也不錯, 下次都要訂個黎試先 ~~
盛記盆菜 & 盛記麵家 Openrice Review : https://www.openrice.com/zh/hongkong/r-%E7%9B%9B%E8%A8%98%E7%9B%86%E8%8F%9C-%E7%9B%9B%E8%A8%98%E9%BA%B5%E5%AE%B6-%E6%B2%99%E7%94%B0-%E7%B2%B5%E8%8F%9C-%E5%BB%A3%E6%9D%B1-%E7%81%AB%E9%8D%8B-r14802
上雞公嶺的起點喺逢吉鄉, 馬路邊有個都幾明顯的入口仔, 由呢度開始一直往山上走, 越往上走視野越見開揚, 可以盡覽山下的逢吉鄉及沙埔村, 遠一點還可以看到錦田河 !
雞嘴下應該可以算係上雞公嶺的第一個 view point, 遠處的南生圍、大生圍 及 錦綉花園都可以一次過見齊晒 !
來到元朗 374 山發射站, 我們遇到了被丟低了在石群上的小熊貓 !
繼續前行, 就是繼續上山, 最終會去到雞公山山頂 (海拔 374m) 的那支標高柱 !
沿著山脊走在那所謂的雞頸, 無遮無擋地曝晒了數小時, 還好視野真真不錯 !
上到那巨石陣處, 絕對是一大好 view point, 如果好彩冇乜煙霞, 風景真係又清又靚架 !!
第二支標高柱 – 羅天頂 (海拔 858m), 拍 Profile Picture 的好地方 !
過左羅天頂就慢慢往下山方向前進, 目標粉錦公路 !
如果唔係咁熱的話, 我地步速應該可以再快一點 ~
下山的山路較多沙石, 都真係會跣腳, 最好著番行山鞋, 波鞋似乎唔太易行咁, 單看我前方的男士已經滑倒過 2 回, 還好佢真係跌得漂亮, 無傷無損的 !
回到山下, 過埋條雙魚河, 就回到粉錦公路了 !
粉錦公路的一大名店 : 榮昌茶座 !
一口氣吃掉豬扒包 & 紅豆冰, 此為完成雞公嶺之獎勵 !!
