本年度尚未喺白沙灣出過船, 估唔到而家停車場咁忙, 7 點 10 分正式全部車位爆滿, 好在我真係晨早就去到, 咁先成功搶到一個 ~
嘩 … 要 7 點前去到白沙灣, 還真是一個挑戰來的 !
是日潛點 : 尖洲背 !!
第一潛最深 9.1m , 水溫係唔錯的 25 度, 帶住兩個朋友落水, 都潛左 46 mins 架 !
其實呢日個能見度普通, 好似冇之前咁水清, 但都算可以接受 !
呢潛最大收鑊係見到一大群 Barracuda, 仲要好大條下架, 不過我冇影到啦 …
兩位朋友的潛姿 ~
冇咩好影之下, 咪影下佢地囉 : 勁多又大條又藍的龍船喎 !
仲有醫生魚呀 ~
呢條船的午餐出名有質素, 仲要係現煮現食的, 正呢 !?
第二潛落到 9.5m, 潛左 49mins, 期間發生左事故, 幸好各位同行朋友安全 !
全日見到唯一一隻兔 … …
今回見到有大魚呀 ~~~
仲有呢條一線黑紋的 snapper !
呢條係咩我都唔知, 大大條, 顏色成條三鬚咁, 但側邊睇係濶好多的 … 求答案 ~~
好 ! 兩潛順利完成, 順手幫朋友們開埋季, 好嘢 ~~~
