嘩 ! 呢回一日玩五支, 橋咀都要加樽, 咁仲唔係燃燒生命式下潛 ~~
第一潛 : 呢日水溫真係有點凍, 4m 水都只係得 24 度, 最深落到 6m 都已經想去番淺水區, 爛玩地都玩左 58mins !
無可否認, 是日淺水很清, 香港馬爾代夫真係唔係浪得虛名呀 ~
第一潛唔算多嘢睇 ~
第二潛 : 深少少直落 8.8m, 矇矓一片, 太凍了, 還是慢慢潛回淺水 4m, 24 度水續繼玩左 67 mins ~
在石洞中找到了龍蝦 !
活躍的花頭梅 !
金尾雀鯛 White-tail Damsel ~
呢區好多蝶, 呢條係八間蝶 !
一堆坑鰜 ! 密雜恐懼症最怕的魚球群 ~
第三潛 : 人生未試過橋咀加樽, 今回都係第一次 !
船尾直落 10.4m, 游番埋岸玩 4m , 呢潛都真係多嘢影喎, 玩左 51 mins buddies 冇氣就上水吧 ~~
呢條問左魚專家, 佢係釘公黎 !
呢一幕真係有外潛 Feel ~~ 大魚細魚都出現 !
紅鮋一群 6 – 7 條, 條條都好大條, 仲要唔太怕人咁, 俾我跟住佢地游左陣 ~~
呢條 Nakedhead shrimpgoby 好得意, 好似 Minions 帶左副眼鏡咁 … cute ~
Peacock Sole ~
好靚呀佢, Blackeye Thicklip !
一對冬瓜蝶都好靚呀, 仲慢慢俾我影相 !!
西貢回程, 嘭嘭聲飛入黃石, 仲帶埋相中呢隻幪面超人入去添 ~~
快艇入塔門, 換衫上架生, 轉快艇出 ~~
第四潛 : 7.3m 水玩左 54 mins, 入夜後水真係超凍, 落到 9.5m 多一陣都頂唔順 …
佢係咪傳說中的左口魚 ….
入睡中的霖蚌 ~
紅鱲仔 … 都幾靚架佢, 小小一條咁 !
第五潛 : 最深 10.4m, 降到得 23 度水, 真係潛到打冷震, 但都可以玩左 68 mins 囉, 痴線 !
瀨尿蝦仔在眼前鑽洞 !
芝麻斑在睡, 後來嘛 … … 唔知呢 ~
Snake Eel, 怪樣的 !
一地都係呢隻 Goby 喎 !!! 好鬼多呀 ~~
沙鑽再出現 !
我唔知佢搞乜, 水中典黎典去咁, 好古怪 !
潛完仲有大餐食, 七餸 1 飯白, 超級豐富架, 但眼瞓食唔得多, 好在全批藍花蟹都成功蒸好晒 !
有手信帶回家, 份量夠第二日的四人前, 正呀 !!
是日大成功, 結果 4 點才可以瞓 ~~
