上個月同朋友玩左轉本地 LOB, 再次來個連潛 2 日遊 ~
好似真係第一次由筲箕灣出船去潛水, 感覺都幾有趣, 可惜天氣不似預期, 呢日翻起了 4 – 5 級風, 浪大得根本不能南下, 唯有頂著風浪往東而行, 先到南果洲來 2 支 !!
Day 1 第一支南果, 4 -5 級風下水面有點 rough, 溫度則是很可以的 28 度, 最深潛到 12.8m, 明明唔係咁靚水都玩左 70 mins, 而且影下影下都原來影左唔少嘢 !!
我係幾鍾意將軍甲呢條魚, 看上去幾有型, 而且看上好有質感 ~
呢條魚 BB 好得意 !
迷理到不能迷理的白色兔兔 ~
小小的頗可愛 ~
仲有 Goby & 蔬蘿 friend !
呢條快艇的午餐, 有好足份量的到會供應 !
第二潛都係果洲, 出一出去深水試試 18m , 水濁得未能落到底, 慢慢潛回淺水區再玩 ~
主打 12m 水, 玩左 57 mins !
呢條班都好有趣, 最得意佢仲有 2 隻蝦仔跟班 !
有冇 buddies 記得呢塊枱布係乜黎 ?!
有位 uncle 話我知係 starfish 黎的, 叫荷葉海星 ! 多謝 uncle !
橙巴倒吊 Goby 真係好得意 !
嘩 … 超迷你的兔兔, 估唔到原來條紋係靚到咁 ~
潛下潛下, 又見到另一隻兔兔 !
回到水面的日落, 於不平凡的水況, 尋找到另一種完滿 !
回程中的日落黃昏, 還可以遠眺一下維港兩岸 !
說得是 LOB, 理所當然的住進了一艘遊艇之上, 呢首船的硬件配套幾唔錯架, 3 個整齊房間, 1 個大廰, 1 個可唱 K 偏廳, 仲有 1 個可容納 10 多人一齊打邊邊的廚房 !
而我地呢班咁有文化的朋友, 當晚梗係要玩番有文化的遊戲 – 粗口牌 !
Day 2, 我地再次由筲箕灣出發, 今回終於成功可以出到宋崗 …
風還未平定, 呢回先去內灣潛, 最深只有 7.6m, 玩左 61 mins 啦 ~
一落黎就見到小小的藍兔兔 !
頭大身細咁都好得意 !
細得不可再細的, 細鱗 !
海星手上的小蝦 ~
但明明其他 Buddies 見到的都好 colourful, 點解我見的海星同蝦都咁灰暗 !
各式各樣的魚魚 !
呢個潛點搵到幾個籠, 其中一個入邊有條受左傷的 EEL
某人被海刺攻擊的現場 ~
宋崗對出的排口, 有幸下午收左風浪, 我地可以成功出到去下潛, 欣賞到超美海花林 …
一落水就已經 14 – 15m, 最深落左去 17.7m, 係花林之中玩足 58 mins !
水清又 colourful 的香港水底 ~
再落深一點, 會見到好多柳珊瑚 !
潛潛下, 頭上有超大群的小魚快速略過 ~
深水番少少, 清一點, 又光一點 ~
細鱗游花園 !
再上淺水一點, 就只會變回石地 !
日落黃昏, Day 2 兩潛完成收工, 我地就收拾回程 !
