最近寫番去年的島遊系列, 今回講到再次重遊的 鴨洲 & 吉澳 !
說得是重遊, 就已經唔係第一次去鴨洲 & 吉澳架啦, 上回的遊記可以參考番以下記錄 …
HK : 霧鎖中的鴨洲與吉澳
https://traveling-fish.tixmart.org/2020/03/24/hk-kat-o-01/
渡輪由馬料水新碼頭出發, 先到吉澳短暫停靠一下, 之後先再去鴨洲 ~
上回於雲霧間看鴨洲, 今回則得到藍天白雲, 鴨洲依然看似一隻趴伏在水面上的鴨仔, 尤其神似的就是鴨頭 !
登上鴨洲走走, 好天氣下的鴨洲都好靚 ~
環島走一圈, 看一下島上山水, 參觀過鴨眼, 走過大大小小海蝕平台, 就連紅色角礫岩中的水潭, 都係影相好題材 !
Remarks : 鴨洲的鴨眼實在太人山人海, 我地就冇停留太耐, 求其自拍左就走開咗 !
想睇鴨眼實景, 可睇番上回遊記架 ~
鴨洲觀景台, 鴨尾之最高位, 係回望碼頭風景的好位置, 記得預留時間登頂, 唔好錯過哦 ~
轉下眼, 我地去到吉澳啦 !
上回去到吉澳係有好嘢食的, 但今回卻被告知 榮記海鮮館 被放火燒毁咗, 冇得坐低食餐飯, 好在仲有茶果可以買到咋 ~~
上回在雨中花了點時間參觀村落, 今回趁著好天氣, 我們登山去 !
今回登上了高棚頂 (70m) !
呢邊可以望到碼頭 & 吉澳大街 ~
另一邊望向吉澳的內灣 : 澳背塘 !
喺呢個位望落去, 真係有幾分似澳洲的 wine glass bay 架, 勁靚 !
落山途中, 我衰八卦想穿林落去沙灘, 點知四算雜草叢生, 結果走下走下不單走偏左, 而且仲要迷左路, 差點搵唔番條出路, 如果錯過左唯一一班回程船就大鑊啦 !
好在, 我地最後成功行番出碼頭, 是日行程完成 ~~
