去年冬天的某個夜裡, 我們乘夜走入籮箕灣, 輕裝不帶營, 只為一看那片燦爛的星空 … 香港的光害有多厲害, 也不用多講, 但總會有那麼幾個地方, 能成為某種例外, 籮箕灣絕對可算是其中之一 ~ 營可以唔帶, 地墊都冇帶 (似住瞓沙地嘛, 不過原來並不舒服), 但爐 & 煲就真係唔會唔帶, 主廚的堅持哦 … 籮箕灣果然係影星的好地方 … 隨著時間的流逝, 星體的轉移, 拍下了不同角度的星空 … 冷冷的夜裡, 期待著日出的到來 ! 暖暖的薑茶, 為這份冷添了點溫暖 ! 日出啦 ~~~…
上集我地去大嶼山尋鎢礦唔成功, 本年度再次 mark 好地圖先出發, 今回條路線有點唔同, 改由東澳古道的另一個分支上山 ! 路途上, 我地經過呢條景色非常優美的小溪 … (但真係勁多蚊 !) 上左第一個山頭, 面對係山火燒過的痕跡 … 或許因為木林的消失, 反而礦場辦公室的遺跡更顯現左出黎, 比起上次到訪之時, 搵多左幾間建築物的遺趾, 連另一個類似灶頭的東東都遇到了 … 繼續往山上去, 往海拔 380m 進發 … … 站在這個位, 再次望住機場, 我地想出門遠行的渴望全顯, 就連望住架飛機起飛都勁興奮囉 !! 山上的野生杜鵑, 彷彿生在石縫之間 ……
2021 年同朋友們去過大嶼山尋鎢礦, 最後係未能成功搵到, 不過呢條都係靚景路線, 沿途仲有機會遇到唔少生物與植物, 係值得記錄一下的 ~ 由東涌起步, 沿東澳古道前進, 直到遇到一個隱藏的分叉位置, 就要入林爆上山架啦, 呢條路越往上走, 就越能將機場望清, 尤其那停滿了飛機的停機坪 !! 半山路上, 位於沙螺灣與䃟頭之間, 就係那個被廢棄了的鎢礦場的辦公室 ! 根據 Wikipedia 所寫, 沙螺灣的鎢錳鐵礦於 1915 年開始開採, 不過以非法開採為主, 曾一度多達 700名礦工在該區非法採挖, 直到政府頒發臨時採礦許可證，才得以解決非法採礦的問題. 呢個辦公室及附近選礦廠的遺趾, 屬後期公司作大規模開採的建設, 現在大部份的建築都已經被埋沒在叢林中 … (行行下, 俾我地見到個 Made In Britain 的浴缸喎…
頂 ! 今年市民被封左個沙灘, 又多得嗰堆無實際用處的防疫措施啦 ! 剛好翻開 Blog 內的 Draft, 竟然俾我搵到 2020 年卻又未被記錄的活動, 雖然拖到今年先去寫, 但時間上卻又剛好啱去寫下浮潛分享喎 … 大家去清水灣游水就應該好平常, 但大家又知唔知呢個時節的水底一角, 係一個浮潛好去處呢 ?! 呢度收藏左一個珊瑚群, 其實都幾靚架 ! 淺水區的魚群 … wow ! 季節限定的馬尾藻 !! 其實冇估到呢度會有群咁靚的馬尾藻群, 加上水質算颇清, 拍出黎效果很不錯 ! Season 就開始左架啦, 有睇 IG…