2021 年同朋友們去過大嶼山尋鎢礦, 最後係未能成功搵到, 不過呢條都係靚景路線, 沿途仲有機會遇到唔少生物與植物, 係值得記錄一下的 ~
由東涌起步, 沿東澳古道前進, 直到遇到一個隱藏的分叉位置, 就要入林爆上山架啦, 呢條路越往上走, 就越能將機場望清, 尤其那停滿了飛機的停機坪 !!
半山路上, 位於沙螺灣與䃟頭之間, 就係那個被廢棄了的鎢礦場的辦公室 !
根據 Wikipedia 所寫, 沙螺灣的鎢錳鐵礦於 1915 年開始開採, 不過以非法開採為主, 曾一度多達 700名礦工在該區非法採挖, 直到政府頒發臨時採礦許可證，才得以解決非法採礦的問題.
呢個辦公室及附近選礦廠的遺趾, 屬後期公司作大規模開採的建設, 現在大部份的建築都已經被埋沒在叢林中 …
(行行下, 俾我地見到個 Made In Britain 的浴缸喎 … 勁古怪)
這橦應該係 Office 的主建築 …
最搶眼的, 可能還是位於大廳位置的 fireplace !
遺趾還有類似灶頭的建築, 以及一般礦場都有的多格大水缸 !
我地繼續上山搵位於海拔 380m 的礦洞, 但係行下行下唔多對路, 藍天之下突然多了舊烏雲 …
根據經驗, 同呢個朋友行山嘛, 就要有被淋濕的覺悟, 果然 … …
風雲變色, 雨雲來襲, 我地唯有搵個小叢林避一避先 …
好在呢場係真正過雲雨, 落完過左就冇咩, 我地仲可以安坐山上食個 Lunch 添 ~
我地再次往山上越走越高, 當發現時己經差不多來到 昂坪 360 的 彌勒山轉向站, 呢度實際高度已是海拔 500m 左右, 完全錯過晒個礦洞入口啦 ~
行過左站, 我地決定沿 彌勒山轉向站 接上 昂坪棧道, 亦稱為 昂平 360 救援徑, 由呢條路可以直達山下的東澳古道之入口 ~
呢條木板建成的昂坪棧道都搭得幾靚架, 有幾分台灣棧道的氣息, 唯獨要小心木板間中會有破損, 大家反而唔洗太驚濕左會跣, 因為大部份木板已經加了防滑層 ~
偶遇的小生物 …
差不多到下降到咁上下, 山下東涌灣之風景就已經可以盡收眼底 !
行番出去東澳古道的起點, 竟然見到企停停任影的佢 – 變色樹蜥 !
回東涌, 食埋餐春水堂做下午茶, 我地就收工各自回家啦 !
