本年度再次筲箕灣快艇出潛, 主打的係南區附近潛點, 可惜是日吹起 4 – 5 級風, 都唔會出到咩遠位, 咁就近近地東龍島好了 !
係維港向東而行, 經過鯉魚們 & 將軍澳, 就會到達東龍島啦 ~
第一潛係牙鷹排, 呢度收埋左秘密花園 !
由最深 16.8m 落水, 慢慢往淺水而潛, 24 度水唔算太凍, 但能見度非常一般, 我地只玩左 45 mins 就上水了 ~
真係覺得呢日係陪 2 位朋友來開季試 gear 的 !
呢個潛點其實收藏著一個秘密花園, 可以搵到好多小棵而不同品種的珊瑚 ~
呢度石群間, 會遇上好多斑馬蝶. 而且勁唔怕人, 勁八卦, 會特地游埋黎架 !
第二潛實在係一個 hea 潛, 沿東龍島岸邊隨意潛 …
最深只到 5.2 m, 勉強玩了 45 mins, 我上水之時仲有 130 bar 呀 !
游近岸一點, 可以見到所餘還有幾的馬尾藻, 可惜是日水質不怎麼好, 拍出來的效果唔得 !!
留意, 呢個潛點真係勁多鬼網, 記得潛水之時要多留神, 注意安全 ~
是日冇影到 d 咩好野, 但每回出海都係一個好好的練習機會黎 !
上水回筲簧灣碼頭, 餓到半死的 3 人立即衝去 安利 醫肚 !
1人選了 1 款粉麵, 但綜合出來, 最好食還是 牛坑腩 魚片 撈粗 呢個配搭 !!
離開前, 忍唔住都係幫襯左低調高手大街小食, 買來 雞蛋仔 & 格仔餅 各一底, 人地出名果然係有原因的, 佢地個蛋漿真係好得, 完完全全做到外脆內軟的效果, 正呀 !!
