今年難得有機會, 可以跟住班潛友去左個特別潛點 !
船程有點遠, 沿途都係大海藍水狀, 偏偏我地卻要往濁水裡去 ~~
第一潛係 26 度水, 最深只去左 12.2 m, 雖然濁到有點時常睇唔清咁, 但真心覺得呢度有令人好似開下眼界的感覺, 結果都搵到 d 好嘢, 玩咗 78 mins !
喺咁的水況下, 遇到呢條都幾有份量的 Moray, 都真係嚇一嚇架 !
呢條嘛 …. 應該係 Laced Moray 吧 ~
估唔到呢, 係不遠處就已經找到另一條 Moray, 一樣的粗壯, 呢條應該係 虎鰻 嚟 ~
之後靜靜的見到幾款 Common 野 ~~ 
呢條 BB 魚個樣真係好無辜咁架, 搞到我係咁跟住佢嚟影 …
最奇怪係反而搵到隻兔, 咁又影下佢啦 ~~ 
臨上水之時, 竟然係濁水之中, 遇到一大群有番咁上下 size 的 細鱗呀 ~~
第二潛都係同一個地點, 但潛向了一個不同的方向, 就已經看到不一樣的物種, 今回玩足 80 mins, max 9.8m, 水濁得依然 !
呢張相 … 我自己都唔記得影緊咩啦 ~~
呢 2 潛見得最多, 就係唔細條的細鱗呀 !
我見佢成日同群細鱗一齊游, 望落又有黃色線, 咪以為係年青版細鱗, 都係見佢花紋幾靚先影多幾張相, 點伖原來佢係 特別版 黎架 !
佢唔係雞魚, 又唔係細鱗, 更唔係雞鱗, 而係 花鱗 呀 !!
至於雞鱗的小故事, 就要問番當時人 : 表妹 啦 ~~
另一條影得較清的, 就係呢條大 Boxfish …
相信影過 / 見過的潛友, 都會認同大個咗的真係冇咁可愛架, 仲要多添些蠢鈍咁 …
上水前的兩張相片, 小洞中的 Blenny !
仲有條喺水中扮鴕鳥的大魚 … 但我已經唔記得佢係乜魚了 ….
水太濁就影唔清, 咁唯有用 video 作一下記錄 !
個 YouTube 真係純為記錄, 求其將幾段片砌埋一齊, 因為覺得拍左唔好浪費, 順便交功課 !
