唔講唔覺, 呢度上一回 update 都已經係舊年 11 月的事情 !
自 11 月至今, 我已經出左門幾轉, 又匆匆忙忙咁過左幾好個月, 都係時候寫下野咁 ~~
去年除左搵師傅學整咗個茶几之外, 其實仲上咗另一堂學整咗張小板櫈, 今回破格請師傅幫忙, 將板櫈面裁成圓邊, 估唔到出嚟的效果好唔錯, 帶點北歐木具風 ~
當然新蒲崗本身都有唔少好嘢食, 今回開工前就去咗本地名店 : 窩子 (WoZi Cafe) !
我的 IG 其實都已經仲紹過, 呢度就唔再多講了 : https://www.instagram.com/p/Ch7it39vuOc/?utm_source=ig_web_copy_link
小板櫈唔係第一次造, 但就係因為可以再整, 反而令我對木工手藝的 理解 同 領悟, 似乎明白到多一點 !
唔講咁多啦, 開工先 : 齊齊開始拉線, 鋸櫈腳 & 開榫啦 !
整呢張小板櫈都唔係一日可以完成架, 有時會放工再上師傅度開工, 今回我地仲要加堂, 做咗三晝先可以完成呀 ~~
呢晚的外賣 Dinner 係重光便當呀, 一貫的好食 !
櫈腳開好晒榫位, 對番齊橫木先入榫, 咁就輪到要處理板櫈櫈面了 !
師傅先幫忙將櫈面裁圓, 我再度好榫位, 就要再開始鑿半榫啦 ~
板面開好晒半榫, 就作最後修整板邊,仲要磨滑板面, 之後先將櫈腳裝嵌好, 北歐風小板櫈咁就完成 !!
人人都帶著作品回家去 ~~
