中秋帶住好友出發, 相約了台灣朋友們, 齊齊同遊台南 ~
唉 … 想話 CX 飛機餐送的月餅真係麻麻 … 但明明月餅名牌黎架嘛, 唔通餅店都整鬼佢地 ?!
第一站先飛到高雄, 這回同樣入住位於高雄車站旁的 Papo’A Hotel (帕鉑舍旅), 地理位置一流之餘, 性價比又高, 我覺得出入高雄住呢間係幾唔錯架 !
高雄住宿設計旅店- 帕鉑舍旅PAPO’A HOTEL
深夜的高雄, 火車站似乎比較難找吃宵夜的地方, 唯有趕個尾水去 六合夜市 趁個熱鬧吧 !
找了家還未收檔的烤串, 再點了杯果水, 順道去 ATM 提點錢, 那就回酒店休息了 ~
今回我們往北去找早餐店, 找到位於小巷的豆漿店, 簡簡單單的早餐, 味道不過不失吧 ~
Uber 了計程車前去接埋個朋友, 我們直接前往佔於台南的 Cafe : 今鶴 – 義式餐酒館 (JiN HER) !
台南果然咩都大大間舖, 連間 Cafe都可以大到 2 層高, 座位舒舒服服咁好鬆動 ~
重點係嘢食水準很不錯, 份量足而擺盤也不錯, 有特色狗狗 / 白熊 咖啡, 點杯打下卡都幾開心丫 ~
甜點要了一份 黑糖珍珠厚奶茶 舒芙蕾, 有睇頭又幾好食, 可以一試 !
雖然去到之時餐廳還未滿, 不過為免失望都係訂定位好 D 啦 ~
今鶴 – 義式餐酒館 (JiN HER) IG : https://www.instagram.com/jinher1991/
會聚埋台北 與 台南 的朋友, 齊齊逛下 臺南市農會假日農市 !
雖然呢度唔算係出名景點, 但我地行得超級開心, 勁多本地食材可以買到, 尤其蔬菜水果真係好鬼吸引架 !
喺呢度我飲到杯非常好味的檸檬愛玉, 又第一次買到黃金百香果, 仲買咗超 Juicy 又香甜的大大個甘露梨, 最後忍唔住都買左本地種值新收的無花果 !
今回收穫非常豐富 ~
今回來到台南, 我地選擇入住 四季春風 台南安平包棟民宿, 親身參觀過一遍, 就知道呢間民宿有幾靚同幾舒服 !
走入民宿大門, 迎接我地會先係一個小庭園, 當打開大門之後 …
走進大門, 感覺就是一家非常 Cozy 的房子, 飯廳客廳都齊備, 角落有一台古老的街機, 玩味十足 ~
屋主還為我們準備了當地台南特產小食, 相中的銘峰蝦餅非常好食 !
樓上二樓係房間 及 洗手間, 角落還收藏著一張搖椅 ~
整理完成, 我們就出去台南安平走走 ~
朋友帶我地先去試試古早小食 – 白糖粿 ! 熱辣辣咁原件鮮炸, 沾糖後就可以食, 感覺有點似食糍耙 !
是日安平老街人山人海, 我地就努力咁穿插於人海之中 …
林永泰興蜜餞為當地名物, 只要走入去行轉, 會發現真係咩口味的梅都可以有, 唔怪得店面小小, 都會咁鬼好生恴啦 !
茂記黑豆花大王, 都係安平的名物 !
豆花都真係幾香滑, 配料都幾充足, 幾唔錯架, 有機會可以再去食 ~
開始入黑的安平 … …
多年前已經到訪過的 DoGa香酥脆椒, 後來於台北都有到訪過, 不過當時完全冇意識到 2 店為同一品牌, 直到今次再訪安平旗艦店先發現到 !
晚飯我地預訂了 家根創意酒肴 (HomeRoots) – 安平旗艦店 !
原以為只是平凡的串燒店, 我也只靠網上評語來作決定, 估唔到意料之外的高水準, 很值得我地慢行 30 mins 過去食晚飯 ~~
家根創意酒肴 (HomeRoots)
黑松露卷蛋 < 又香又滑 !
明太子烤櫛瓜 < 呢個簡單但好食, 而且我學左可以屋企試煮 !
烤干貝, 鮮甜而且配搭有誠意 !
煙燻櫻桃鴨胸 < 全碟由鴨肉到配菜都好食, 筊白筍原來咁整都唔錯, 值得一試 !
日式東坡肉 < 又一款特色食品, 用茄子代替豬肉, 釀入蝦膠, 味得煮得剛好, 好食過真正東坡肉添呀 !
晚飯食得太飽, 決定過去花園夜市逛逛 ~~
買的沒什麼看得上, 玩的也没太大興趣, 吃的暫時還未吃得下, 唯有落力地去逛 !
不過最後還是買了 二師兄古早味滷味 回民宿享用 ~
回到安平的民宿, 除了去休息, 可以食住宵夜睇電視, 仲可以打街機 !!
