舊年開關後重遊左唔少地方, 其中一個就係泰國曼谷啦 ~
本來係打算坐 Emirates 過去曼谷架, 點知只不過猶豫左一下, 結果重陽節機票價錢就係咁升, 結果就坐咗呢間只聽過幾回的 Ethiopian Airline (埃塞俄比亞航空), 坐完後感覺只能說可以, Peak Season 價錢算合理, 如果冇記錯仲可以有 2 件寄艙行李, 坐位都夠寛鬆但機艙都幾污糟, 喺座位旁邊見到有半盒倒瀉左的飛機餐熱盤 (類似炒麵), 不過可能因為飛機餐真係太難食, 所以倒晒成盤落位都冇乜損失囉 …
好在呢程機都只係 3 個零鐘, 順利係半夜之前到達 Bangkok ~
雖然呢程航班不怎麼樣, 還好機場去酒店尚算順利, 總算於半夜兩點左右去到酒店 Check in !
今回入住 2023 年 5 月才開幕的 Eastin Grand Hotel Phayathai, 就因為咁新喺當時有做緊 promotion, 住 3 晚都唔洗 $3000 仲要包埋早餐, 而且房間都幾濶落新淨, 重點係呢間酒店個 Location 超級方便, 一落樓就有天橋連過去 Phaya Thai BTS 站 ~
呢間酒店的泳池都算係一個賣點嚟架, 就係近年新建酒店都好興設置的 Sky Pool ~
酒店住宿係包埋早餐 Buffet 架 !
酒店餐廳的裝潢好靚又有特色, 我都特登走勻晒去影下相; 餐廳內食品攤檔算係多款式, 不過食物質數只算普普通通, 最好食都係碗泰式河粉 &水果, 而且有些時段客人太多, 結果又要等位又要排隊攞野食, 我 Day 1 試過後第二日就冇再去了 ~
太耐冇去 Bangkok, 都唔知疫情後的變化係點, 咁咪出發前睇下 d 介紹, 剛好搵到 Ari 呢個好多人推介的曼谷文青區 ! 咁啱得咁橋我地住呢間酒店, 過去 Ari 只係 4 個 BTS 站就到, 好方便喎 !
如果大家去搵 Ari 區的 Cafe, 一定會搵到呢間 NANA Coffee Roasters Ari !
Cafe 落座一間紅磚屋之內, 仲有自己植物花園, 內裡裝潢開揚光猛, 都真係好睇又好座架 ~
至於講到咖啡就更加係吸引, 好鬼多款咖啡豆可選之餘 (當日有 12 款), 仲有本地出產的泰國咖啡豆可買, 真係花多眼亂 ~
以太約 HK$ 40 一杯的咖啡, 喺泰國黎講都真係有點貴, 但我地試左 Piccolo & Dirty 各一, Dirty 那層浮面的豆油香, 再配上咖啡及凍奶, 真係好出色架喎 ! 至於 Piccolo 亦都很不錯, 全因個咖啡底真係好香好潤 ~
最後我地帶走了一包 Chiang Mai 豆回來, 用來配豆整 Cold Brew / 手沖都很不錯 !
NANA Coffee Roasters Ari : https://nanacoffeeroasters.com/
第二站係去 SPA Calm ARI 按摩, 呢間店應該係我咁多年黎去泰國按摩, 體驗最好的一次, 大推 !
先不說店內環境清幽舒服, 冇話 overbook 到人山人海的狀況, 加上成個按摩體驗都非常流暢輕鬆, 真係非常好架 !
SPA Calm Thailand IG : https://www.instagram.com/calmspathailand/
按完摩就到搵食, 無意中搵到呢間好似溫室咁的餐廳 Daydream Believer !
開頭以為只係打卡餐廳, 入到去一個客都冇仲以為中伏添, 點知嘢食都真係唔錯, 好睇好食仲有點特色, 好可惜呢間餐廳舊年 (2023) 己經結左業啦 !
嗱 ! 呢區的好野係仲未介紹完既, 記得食埋呢個雪糕 : RIN凜TARO THAILAND !
RIN凜TARO 主打 Homemade 雪糕, 喺 Bangkok 內有 4 間分店, 其實唔一定要去 Ari 呢區食, 不過去開 Ari 冇理由唔食埋囉, 雪糕款式都幾多架, 生果口味鬼咁吸引, 但茶味我又特別鐘意, 結果明明已經好飽都仲要點足 4 個口味 … …
我覺得今年過去 Bangkok 要再食呢間雪糕 !
RIN凜TARO THAILAND IG : https://www.instagram.com/rintarothailand/
天氣實在太熱, 玩完 Ari 呢區都係先番酒店抖抖, 歎下冷氣再享受埋個泳池日落 !
入夜後再出發去咗 Siam Paragon Food Hall 睇下手信 …
這天的晚餐係我幾年前食過的 Supanniga Eating Room, 以前食過 ThongLo 店印象不錯, 今回因為河邊的 Tha Tien 店裝修中, 就改訂了 Sathorn 10 店 !
夜中冒雨澗水前往餐廳, 可惜由入座後整個用餐過程真的不什麼樣, 而且食品似乎没以往出眾, 雖然那蟹肉蛋包都仲係好好食, 芒果糯米飯都不錯, 但係咪需要特地去呢間食呢, 就見人見智了 ~
Supanniga Eating Room : https://www.supannigaeatingroom.com/
是日最後活動就梗係去 BIG C 買手信, 入邊真係好誇張, 人山人海打仗咁喎 …
好在都唔難買到想要的食品, 尤其用來煮食的泰式調味包 !
Day 1 行程結束 ~~
