見呢排天氣凍凍地 (其實我覺好凍, 夜晚氣溫已經下降到個位數字 !!), 早係星期頭, 我已決定整番呢個熱辣辣的糯米飯架啦 !!
基於相機借左俾同事去旅行, 只能用手機拍低製作過程, 相片 Quality 係差左少少架啦, 各位麻頪將就下啦 ~
材料 : 糯米, 臘味, 冬菇, 乾瑤柱, 蝦乾 同 蔥
糯米先用水浸幾個鐘, 另外冬菇, 乾瑤柱 同 蝦乾都要浸軟身.
糯米浸好就放入鑊蒸熟, 時間 depends on 糯米幾時熟晒, 而且要定期洒水係上面, 以免太乾 !
臘腸要切片, 冬菇同蝦干要切粒, 乾瑤柱要打散, 蔥切粒備用.
好啦開始炒啦 !! 先爆香臘腸, 冬菇, 蝦干, 乾瑤柱, 放入蒸熟的糯米一齊炒, 加生抽, 老抽, 糖, 雞粉, 少少麻油黎調味, 炒勻之後加入蔥粒, 再兜勻就完成啦 ~
我的完成品 !! 