放埋呢篇相, 就完成呢個 Wales 之旅, 畢竟我只係去左 2 日, 真係唔係去左好多地方 ! 我地都覺得下次要留長 D 時間先得啦, 因為風景太靚啦 …. 不過當然天氣要好先得架啦 ~
係 St Davids 玩完, 我地就開車去附近一個沙灘 – Whitesands Bay, 去到之時, 已經好多人啦 ! 下面的 Carpark 一早已經爆滿, 我地要俾 2.50 pounds 去泊係山坡上的一個 Over Flow Carpark ! 泊好之後, 我地就"立"晒架生, 行番落沙灘, 感覺就似係 HK, 成日要泊架車到鬼咁遠跟住行番去沙灘一樣 !!
去到沙灘先知到真係好鬼多人, 因為今日小朋友的 events, 好多 families 都黎左參加 ~ 好在個沙灘夠大, 多多人都裝得落呀 ….
我地又係選好個位, 搽好太陽油, 攞本書出黎……….. 跟住就好快咁訓著左啦 
!! 真係好好好鍾意係沙灘上, 吹住海風, 晒住太陽, 跟住訓覺, haha ~
下晝 4:00 多, 我地就要開始回程, 因為我地要去一個朋友屋企度 BBQ !! 原本 2.5 hrs + 的車程, 我用左唔夠 2 hrs 就殺到去朋友度 ! 不過代價係可能我俾人影左幾張快相 ……… 
Whitesands Bay – 一個幾長的沙灘 …
非常歎抖的我 同 一本非常襯沙灘的書
呢度幾大浪, 好多人係度玩 / 學滑浪架 !
回程時經過一個 Camping Site 拍下, 嘩 .. 佢個 view 好得喎 !
準備 BBQ, 大家好忙喎 ! 呵呵 ….. 
小販檔的檔主 ~ 不過我唔食羊肉, 唔食腸仔, 所以只燒面包 !!
