沖左個涼, 準備好聽日要番工, 見仲有時間, 我就 up 埋 Part 2 上黎啦 !!
繼續 Tenby 的行程: 係呢邊的港灣, , 沿崖邊有一排望海的屋, 崖下有一個沙灘, 呢邊的水冇另一邊咁清, 但絕對冇減低小朋友們的興致架喎 !! 係港灣另一頭, 有一個小碼頭, 有好多船停泊左係度 …
沿海邊繼續行, 會到一個海邊公園, 沿著崖邊的行人徑漫行, 一邊係海, 另一邊係大片草地, 係海的對出, 仲有一個小島, 島上有一個小 Castle, 好吸引架 .. 不過唔知佢係咪對外開放參觀的呢 ?!
最後走下走下, 又番到去最初停留的長沙灘, 我地見差唔多到日落時間, 就打算去西邊的一個沙灘度, 想話睇下日落啦, 點知 ……
長港灣的另一頭, 小碼頭及沿海小屋 !!
崖上一排排的房屋, 望到海景, 真係希望我都可以有一間呀 !
而港灣的另一頭, 就係呢個沙灘啦 ! 小朋友們玩得好開心架 !!!
小碼頭的風景, 非常 Colourful ! 
呢度亦都有一個沙灘, 但水質真係比較差, 唔明點解仲有人要係度玩喎 ….
由山上望番落去小碼頭 !
Tenby 對出的一個小島, 好似有船去的 ! 至於島上的 Castle 就唔 sure open to public 啦 !
行唔夠一陣, 又見到一個小沙灘 ~ 朋友話我知, 退潮時呢幾個沙灘其實係可以連成一體架 !
最後, 我地又係番呢個長沙灘 ! 冇計, 我架車泊左係度嘛.. haha ~
睇唔到日落的原因, 就係一到 Evening 時間, 全個世界一片大霧, 我地最後都有去到一個叫 Little Heaven 的地方, 呢個小 Town 係好隔涉架, 我沿途 drive 左 30 分鐘單程窄路先到, 而且呢個小 Town 只係得幾間屋仔, 一條小路, 同埋一個小石灘, 非常精緻架 !
霧中的 Little Heaven … 真係去左天堂 ?!
一片大霧, 係有少少失望睇唔到日落, 但大霧中又另有一番意境 !
由於呢個 Long Weekend 係 Peak Season, 我好難先係 Fishguard 呢個地方 book 到 BnB, 一間 Twins room 係呢期要成 67 pounds per nite, 而且已經算係比較平架啦 !! 當晚入到 Town, 都已經係 9:00pm 多,係選擇不多之下, 隨便走入一間 Pub 度食個 Dinner, 竟然意外地入左呢間最有歷史的 Pub, 食物不過不失啦, 對 Pub Foods 我亦冇太大期望 ~
食過晚飯, 就去BnB 度 Settle Down, 仲遇上一個十分健談但唔會斷尾的老伯伯, 我同個朋友已經累得半死, 實在冇太大耐性同佢傾談, 係大約 15 – 20 mins 後, 我地終於成功脫身上房訓覺啦 !!!
Fishguard 係一個算幾大的 Town, 但食店絕對唔多 !
玩左 / Drive 左一整天, 我同阿 Pooh 都好攰啦, 要訓覺囉 ~