睇完第一 Round 表演, 我地就收捨好, 準備四處走走 !
會場除左熱氣球之外, 仲有 Fun Fair, 幾個小賣攤檔同埋 Craft Exhibition. 我地見仲有一陣子先到夜晚的 Night Glow Show, 就去行下睇下有 d 咩賣啦 …. 其中我見到有一檔賣畫的, 主要係各式熱氣球造型, 一幅大約 A5 size 的畫要 8 pounds, 算幾吸引, 亦幾受歡迎, 但我就冇買到啦 ~
Discovery Channel 同時兼埋 Shark Week Promotion, 所以有個 Shark Shape 大電視
大人小朋友都愛的迴旋木馬, 係就小型左 d, 但都幾受歡迎架 !!
終於入黑啦 !! 呢個時候都差唔多 9:30pm !!
Night Glow Show 係 9:30 pm 正式開始, 我地今次改左去另一邊睇, 一如 Daytime 開始之時, 又係 Discovery Channel 個熱氣球先出現作為一個開始 !!
其實你細心 d 睇下面張相, 係未開始之前, 草地上已經有差不多 20 幾個熱氣球已經吹脹左係度, 只係場地太黑, 你睇唔清楚咋 ~ 當音樂一响起, 20 幾個熱氣球會隨著音樂節奏, 一閃一閃, 時暗時亮, 仲有晒次序先後, 真係好好睇架 !!! (可惜 Yahoo Video 唔 work, 我 upload 唔到呀 !! 我好想 Share 埋 D hot air balloon 係點閃架 ~) 不過由於目標太大, 熱氣球如果跟錯節奏, 其實真係好覺眼架 !!!
呢個 Show 太約 1 小時, 前後播左 5 首歌, 最後以一場煙花作完結. 煙花當然冇 HK 的咁大型啦, 但佢勝在夠近距離, 再加上先前一輪熱氣球音樂會, 氣氛非常一流架 !!
Discovery Channel 的氣球又係一個開場指標啦 !! 
晚上光亮的熱氣球, 又有另一番美麗 !! 以下係一字排開, 3 張相先影得晒 !!
以下係其中一些熱氣球的獨照 !! 呢個係格格熱氣球 !
牛牛 Pattern 的熱氣球, 白雪雪咁, 都好搶眼架 !!
小丑熱氣球, 黑麻麻之中得佢一個亮著光, 係咪有 d 孤獨呢 !
呢隻係狗狗, well .. 你話係貓都可以的 ~
最後一場煙花作為完場 !! 都相當唔錯架, 小型但都幾多款式 !
開始係佢, 完結都係佢 !
由 Evening 打後我地都冇正式食過野, 排完長車籠離開會場後, 我地第一時間去左中餐館 (中餐萬歲, 除左中餐館, 11:00 幾仲邊度有野開架!!), 急不及待咁叫左一枱點心, 個個都餓到不得了, 結果黎左 3 round 以下呢張相的份量, 先填飽我地 5 個胃呀 !! 食到咁飽, 埋單先至 40 pounds, 呢間野都幾抵食架喎, 媽媽果然好介紹呀下 ~
Overall 呢個 Festival 非常非常好玩 !! 我下年都打算再去過, 你地仲有邊個要 Join 我呀 ?!