今年四葉似乎没怎麼出場, 來到 Christmas 又怎可以唔讓她出來, 跟大家打個招呼, 還要順道跟大家講聲 " Merry Christmas !" 呀 !!
今年四葉又多了個朋友, 同事送給我的發聲雪人公仔, 你睇下四葉"玩"得佢幾開心…
四葉 : Haha .. 雪人呀雪人, 你真係軟林林架o者 ….
雪人: Um ….
四葉: 黎啦黎啦, 我地影番張合照放上 Blog 啦 !!
雪人: Um … … (冇得逃下要同四葉影左張相 !)
四葉 : 我爬呀 …. 爬上雪人個頭度先…..
雪人: … … … (更加唔敢郁驚四葉跌親 !)
四葉: 咦 … 點解呢度有個蘿蔔的, 等我拔左佢出黎先…
雪人 : … … … … (喂, 唔好亂扯呀, 呢個係我個鼻黎架 !!)
事實係, 雪人冇口架, 毫無還口的能力, 只可以任由四葉搗蛋 !
由於今日是平安夜, 按慣例只要完成手頭上工作, 我們便可以早放 ! 好幸運地 12:00 多我就可以回家了, 煮下是日晚餐的 main course (下一篇 Blog 再介紹), 我就趁著還有日光, 帶著四葉出門到家附近的公園拍拍雪景.
今年有點不同以往, 英國足足下了一星期的雪, 如今雖然雪已停了, 但持續的低溫令積雪還留著, 預計到明天還會是一片雪白的, 這麼多年, 英國終於等到一個 White Christmas 了. 由於之前一直要上班, 放工時已經天黑了, 所有一直没有機會到外邊拍下照.
雪景雖然美, 但卻帶來了種種不便, 單單雪上開車便很驚險了, 簡單如由我上班之地駕車回家, 10 mins 車程開了足足塞了 45 mins, 主因就是路面太跣, 車都不可以開快, 我便試過整段路持續用 5 miles/hr 來跣回家的, 當然還有大家在新聞看到的大塞車, 機場關閉 以及 eurostar 停駛啦.
不論怎樣, 當見到世界一片雪白時, 我還是相當雀躍的, 當然走在雪上便要小心一點了, 除了我之外, 四葉都很喜歡雪, 即使我找不到大衣給四葉, 她仍堅持短袖 Tee 上陣, 真係有得玩就什麼都不理了 !
四葉 : 雪, 雪呀, 好多雪呀 !! 哈哈 … …
魚 : 都同你講左出面落過雪黎嘛 ! 睇清楚路呀, 唔好叉錯腳 ~
四葉 : 等我整番個雪球先 !!
魚 : 嘩 …. 唔洗咁大個呀 ?! 閃人先….
四葉 : 咦… 點解個雪球越黎越少的 ?!
魚 : 哈哈… 你攬住個雪球咁耐, 溶晒啦…
四葉: 哈哈哈哈哈 … (係度傻笑中…)
魚 : 邊有人玩雪球, 結果自己成身雪架 ! 哈 ~
四葉: 咦 .. 玩到攰攰地, 去欄杆坐坐先…
魚 : 弊… 佢條褲濕晒啦 ~ 陣間點上車呀 !!!!! 
四葉 : o個邊有間屋呀, 快 d 幫我影張相啦 ?!
魚 : 哦, 好啦, 望住呢邊 ~~~
四葉: 嘩….咁凍仲有棵植物係度喎, 顏色仲幾好添喎 ~~~~
魚 : 知啦, 又要影相丫嘛 !
魚 : 同場加影…. Lego 聖誕老人 及 其專用樹 ! 好彩四葉未發現到 ~
好啦, 順手將在公園拍到的照片放上來, 得閒冇事可以跟之前深秋版對比一下:
http://hk.myblog.yahoo.com/traveling-fish/article?mid=8458
