漂泊中的魚

八月每星期來一潛, 結果到了本月最後一回, 西貢水依然的濁夾凍 !

這回我們本來選址癩痢, 結果由於水太濁, 我們改道白腊仔.

白腊仔出名沙灘靚, 景色優美, 係一個唔錯的 camping 地點, 至於潛水嘛  … 我都係第一回去咋 ~

第一潛, 起初水質尚算可以, 不過越潛越濁.

水溫持續 23 – 24 度左右, 過左半個鐘左右, 開始要包著自己, 減少動作, 以免冷水流入 wetsuit 內, 加速體溫流失 … …

結果, 係冇乜野睇的情況下, 更係冇乜心機去影野 !

午飯時間, 補充體力時間, 好吃的燒雞翼 ~~

吃過飯餐, 我要學爬蟲類咁, 到舺舨上晒太陽回復體溫 … …

結果晒過籠, 搞到一身都係汗, 仲要係舺舨上留下案發現場 ~~

第二潛, 下午水再濁點 … …

剛下去便見到喇叭魚, 不過考下大家眼力啦, 第三張見唔見 ?!

作品只有數張, 實在 … … 沒太多吸引我去拍攝的小東西 ~~~

兩條又大又恩愛的九棍魚, 我重覆見到兩三次, 究竟係同一對黎丫, 定係呢排佢地興晒恩愛 ?!

第三潛, 純爛玩 兼 唔執輸, 人落我又落, 結果又係齋同魚仔玩遊戲 ~

八月快過, 期待九月清水時刻, 下月繼續 ~

回程, 總是令人又享受, 卻又覺得太短暫的 ~

這回相約了 Buddies 們吃晚飯, 不用走遠, 就到白沙灣附近的西餐廳  Hebe One O One ~

Hebe One O One 是一家我偶爾便會想一訪的西餐廳, 話雖如此, 由於近年時常出没於白沙灣潛水, 卻令我特地來此吃飯的興致稍減, 今年只是第二回光顧, 食物質素還是不錯, 不過 Service 似乎不比以前, waitress 們都予人有點愛理不理的感覺 !

潛完水快口渴死了, 快快來杯冷飲吧 ~

Hebe One O One Openrice Review : http://www.openrice.com/restaurant/sr2.htm?shopid=18785

這西餐廳的 Main Courses, 過半數款式我都吃過了, 反而朋友們點的 Sunday Roast 我是第一回品嚐到, 原來也是不錯之選,  Roast Beef 要比於英國常吃到的要嫰得多了 ~

Fish & Chips 也是較少點到的, 吃起來也不錯, 令我想起黎緊十月回鄉之旅, 我怎麼也要吃上一份 ~~

甜品, 很英式之選 – Eton mess & Banoffee pie.

我一向都較愛吃前者, 今回也不例外.

Magic hrs, 天還未全黑下, 我們各自駕車回家去 ~