本星期有點忙, 遲遲未出到潛水日誌 !
就說每年九月都是 HK 難得清水之時, 快快相約朋友們出潛, 今回第一回白天到魚排潛水 ~
這天的天氣不錯, 風起帶點涼意. 因為風起了, 內灣魚排尚算風平浪靜, 只要出了內港, 水面立時便起浪了 !
好, 廢話少說, 出海 ~
第一潛, 來到黃芧洲.
Buddies 上星期還風平浪靜的, 今回嘛… … 看看相中水面狀況 ~
還好, 浪大卻没有大流, 等齊人就下水吧 !
水 … 真係清架 ~~
是日水暖, 下至 17 m 都仲有 27 度, 暖暖的, 又清, 潛得好舒服 !
這裡很多小魚群, 而相中這群一直的在我附近打轉哦.
海中, 開了很多花, 很美 ~
又係考眼力時間 ! 努力搵佢出黎啦 ~
間唔中鍾意影扇貝架, 因為 … … 佢打開左個殼時, 成副假牙連牙肉都露埋出黎, 好搞笑 !!
仲有喎, 呢副假牙有釀藍鑽架 !!
外邊實在太大浪了 !!
第二潛, 船家開船送我們回赤洲, 頓時風平浪靜了 !
好 ! 再次下水 ~~
這個簡真係 hea 潛 !
最深 4.5 m, 一口氣潛了 50 mins, 夠鐘上水都仲有半支氣 ~
不過, 呢度好多海葵, 幾清, 有外潛 Feel !
遇到八掛仔, 佢圍住我來來回回游了幾次, 似乎在觀察住我 … …
又玩眼力 !
我鍾意影佢, 因為佢個樣呆呆頓頓咁 !
剛好俾我遇到佢 – 指腳沙鰍 !
塗了口紅的牠, 是否有點風騷 ?!
在石縫中, 有很多副假牙咁喎 !!
潛完, 我們去了塔門吃大餐 !
今回所幫襯的餐廳, 食物味道上稍為不及上回吃到的好, 不過也勝在抵食夾大件 !
一口氣十一道菜 + 飲品 + 甜品, 總計每人才百多元 ~
上回遊記 : http://traveling-fish.tixmart.org/2015/04/27/hk-tapmun-03/
吃得飽飽的, 我們離開回魚排了 … …
係魚排潛水的好處, 就是有一個基地, 可以洗晾潛水裝備, 再 hea 一下才回程 !
好運的, 仲可以欣賞埋日落添 ~
——————————————————————————
後話 : 當日, 結果還是被抄牌了 !
黃石碼頭長年係抄牌熱點, 泊得係呢度, 都要有預左會抄的心態, 鬼叫佢俾咁多車入閘, 卻又没有一個大一點的停車場咩 !!
扇貝好盞鬼
呵呵, 好得意呢 ~