這是我的晚餐, 又要賣花讚花香了, 好味 ~
一直以來我都不喜歡吃 Risotto, 這是基於第一次吃 Risotto 的壞印象, 在餐廳花了 10 多英磅卻吃到未煮透的 risotto, 從此以為 risotto 就是這樣的, 直到近年常到較有人氣的意大利餐廳, 才嚐到真正的 risotto, 慢慢便愛上了 ~
其實 risotto 是非常易煮的, 只是煮食時較困身, 在最後階段則要常常攪伴免黏底, 等我提供以下食譜, 係我自己試出來的, 没有參考其他食譜的呀, 份量約為 2 – 3 人 !
材料 :
意大利飯 Risotto 2 mug (記得查看 recommend cooking time, 有個大概嘛 ! )
洋蒽 Onion 1 pcs – 切成碎粒
磨菇 Mushroom 5 pcs (我買的是較大的, 不過多少都係隨意的!) – 又係要切成粒
雜錦海鮮 Mixed Seafood (我在英國買到的先已熟雪蔵版, 大約 230g )
蒜蓉 Garlic 3 – 4 clove – 切碎後分 2 份
雞粉 Chicken stock 2 tsp – 用 200 ml 熱水開成雞湯
白酒 White wine ~ 90ml
奶油 Single cream 50 ml – 可落可唔落, 因為我覺得本身夠晒味架 !
1. 先將 garlic 同 洋蔥粒用 olive oil 爆香, 之再加入磨姑粒一齊炒, 當發現開始乾身時, 可以倒入大約一半的白酒 (45ml).
2. 當洋蒽及磨菇都被炒香了, 就倒入 risotto, 再倒入雞湯攪勻, 看看是否將所有 risotto 都蓋過了, 如若不夠, 可倒入滾水約 100ml.
3. 煮 risotto 是要時常查看水是否足夠, 不夠就再加水, 還要時常攪拌著免得黏底. 我這盒 risotto 的煮食時間是大約 20 mins, 中途我再加了 2 次水, 每次大約 100 ml. 想要知道得了没有, 莫過於試食了, 只要米粒煮透, 就算是熟了, 如若不夠咸, 可以加鹽, 還可以落點 black pepper 調味.
4. 另一邊起鑊, 落 olive oil 將餘下的 garlic 爆香, 放入 seafood 一齊炒, 再加入餘下的白酒 (45ml). 當海鮮煮得咁上下 (如若你買的是生海鮮, 這步驟是要炒熟了 !), 便可倒進接近 90% 完成的 Risotto 中.
5. 將 Risotto 再煮得乾點黏點, 就可以倒入 single cream, 令整道 risotto creamy 一點.
6. 完成了就可以上碟, 再洒點 cheddar cheese (or parmesan) 及 parsely, 食得 !
