漂泊中的魚

 

好囉, 好囉, 終於寫到黎呢個旅程囉 …

去年呢個時間出發的旅行, 我搞到今時今日先動工, 自己都有點過意唔去.

這個旅程我真係影左好多相, 日日都幾百張咁, 到而家都未處理得晒, 唯有邊寫邊迫自己去整理啦 !

****

今回的旅遊地點, 係一個我渴望左十幾年才去到的地方 – 西藏.

話說我當年中學畢業後, 旅遊依然是很奢侈的事情, 很多同學都只能選擇到國內 又或 日韓作短途旅遊的起步點, 其中西藏 / 新疆只會是少數冒險者的夢想.

而我讀大學期間有一段時間, 都很喜歡遊覽中國不同的景點, 長江三峽 (工程前), 九寨溝, 雲南 / 香格理拉 … 都有幸在迫爆前到訪過了.

當後來中國人越來越富有, 自己人都攻陷了各地景點時, 我就對國內旅遊變得越來越没興趣.

今回多得朋友所散的毒, 又成功毒左我去搞呢回西藏遊, 其實 … 我對旅行真係冇咩抵抗力 …

唔講咁多啦, 開始吧 ~

 

若說要入西藏, 可以有很多不同路線, 不過若說要玩最 Classic 的路線, 就應該是由川入藏了.

我們由四川出發的話, 自然就得飛去成都啦.

落左機, 唔洗講都知自己到左成都囉, 剛踏入機場大堂, 我就見到滿佈熊貓 display … …

今回我地係包車包司機出發的, 由朋友介紹的公司 “醒來旅遊” 安排住宿 及 修改行程.

本來多找了兩位男士組成 4 人遊, 結果兩位男士臨時都去唔到 (係 HK 請 16 日假, 對好多人黎講真係超難 !!!), 最終都係得番 2 個女仔去 … …

呵呵, 來機場接我們的帶團司機 + 導遊, 是一位高大 friendly 的搞笑男 – 阿貴, 佢開車很穩定安全, 全程也有講有笑的, 對我們也很照顧, 於一個日數長而地點偏遠的旅程來說, 阿貴真係很重要架 ~

旅程後段, 由於阿貴身體不適, 老闆恐龍親自來帶我地去玩, 都玩得非常盡興, 而且仲好鬼好傾 ~

我答應過一定要介紹這個旅程, 推廣一下西藏旅遊, 而這地方確實值得一遊, 即使我已經去過一趟, 我都想再去玩另一條路線架 ~~

 

剛到埗成都, 我們先去酒店 Check-in.

選了這家酒店, 主要為了其很方便的地點, 過條馬路就係春熙路購物商業區 !

酒店房間質素唔錯, 光潔整齊, 都係一句啦, 酒店夠用好訓就可以了.

 

酒店附近一帶都是商業購物區, 多個大型百貨公司都在這區之中, 而且有天橋 / 行人專區相連, 可以算是成都的 “銅鑼灣”.

要購物有 Mall, 要食野有餐廳又有 Food Court, 都真係唔會悶架.

無意中走到青年路那邊的行人專用區, 就多番點 “國內” 的氣息 … …

 

初到成都, 打算用走的去看看附近風景, 順著路終來到天府廣場.

這裡算是成都的正中心地帶, 非常的現代化, 不過單看那城市設計, 倒帶有點點台灣的感覺 … …

 

成都也算是個很慢活的城市吧 ?!  當地人給我的感覺很悠然自得, 不是匆匆忙忙的, 也没有怎麼的推撞情況, 有很多途人竟然也會因為我在拍照, 而肯停下腳步等候片刻, 比我一貫所遇到的國內客, 表現得文明多了.

我們逛進了人民公園, 是意料之外的熱鬧, 有一家老少來逛逛的, 也有在空地上打羽毛球的, 還找到在專心捉棋的伯伯們, 生活倒很寫意.

 

我十分喜愛這家熊貓郵局 !!!

店內 Postcard 及 精品林立, 多以熊貓為主題, 要買手信的不妨看看, 就連那 postbox 都可愛過人架 !

間郵區係邊 ?!  就在少城路上, 人民公園對面, 很靠近寬窄巷子的 ~

 

寬窄巷子是成都有名的旅遊景點之一, 為一個經過修復改建的歷史文化區, 遊人還未踏入巷子之中, 便已被那幾款設置在外牆上的裝置藝術吸引著 ~

好玩, 好睇, 又好影 !

 

 

這是一個新舊相融的區域, 在這裡可以找到各式四川小吃, 書店雜貨店, 也有新式的咖啡點 及 酒吧 ~

 

 

 

 

 

 

 

 

 

 

來到四川, 怎也要吃一下傷心涼粉.

涼粉有兩色, 差別在於用上不同品種的豆粉, 那個涼拌汁同樣火辣, 怪不得人們流傳, 傷心涼粉之名, 源於吃過涼粉之後, 會辣得淚流滿臉, 看上去很傷心的樣子.

親身經歷是涼粉原本冇味, 要靠那汁料才好吃, 吃一口會很辣很麻, 眼有點點淚光, 但轉頭仍然要繼續的吃 … 很犯賤的感覺 .. XP

這家不算是名店, 傷心涼粉的味道已很不錯, 有機會要再去嚐一下有名的小店 !

 

四川都真係有幾多地道小吃, 看那店外放滿了一桌的, 不過我地反而選了三大炮, 貪佢夠過癮好玩.

三大炮其實是一粒粒糯米製成的丸子, 將搓好的丸子, 用力掉向銅鑼, 發出砰一聲, 再彈入洒滿黃豆粉的竹籃之中, 吃時再沾上糖漿.

味道呢 … 唔咸唔甜咁囉 … 哈哈 ~~

 

 

其實寬窄巷子之中, 包括了寬巷子, 窄巷子 及 井巷子, 行左大半我先搵到相二中的地圖.

在這個地方, 我留意到有一個很古怪的生意, 真係唔係人人頂得順, 就係俾錢人地幫你掏耳朵, 真係少點勇氣都唔掂.

 

 

新式小攤檔 … …似乎少了點什麼 !?

 

 

嘩 … 另類食檔 ~~

兔頭 vs 豬鼻 !

呢間 Panda House 內的熊貓好搞鬼 !

買唔買得過, 其實都幾得架, 不過價錢都唔平架喎 !

 

無意中走進小巷之中, 反而遇上型格壁畫 !

 

 

行到咁上下, 想飲杯咖啡, 選上了 Starbucks, 全因其 fusion 風格 ~

 

 

 

 

寬窄巷子 Starbucks 另一賣點, 可以登樓看風景 !

 

入黑 , 我們也有點累, 要回程了.

原來在成都, 打的都唔係咁易, 等左好耐都打唔到, 唯有 …. 行去坐 Metro !

成個 system 都好暢順易用, 同坐地鐵捷運差唔多, 話咁快就番到去春熙路了 ~

 

走出春熙路站, 呢個商貿區同其他大城市都差唔多, 處處都是連鎖店, 不過勝在條路好夠濶 !

呢度番酒店好方便, 走幾步過埋條大馬路就可以了.

早點休息, 接著就要開始入藏了 !