漂泊中的魚

 

大家如果近年有去過台北, 應該實會聽過九州鬆餅呢個很有名氣的食店.

我之前有聽說過, 這家食店在開店之初, 其預約時間長達以月計, 即使上回我路過店舖, 也得事先預約才可以入坐.

既然上回吃不到九州鬆餅, 那今回我們就去學整九洲鬆餅吧 !?

而要預約這個鬆餅體驗班, 只要上到其官方網頁看看時間表, 再打電話作直接預約.

九州鬆餅台灣官方網頁 : http://www.kyushu-pancake.com.tw/

 

提醍一下大家, 這個九州鬆餅廚房的地址, 跟餐廳的所在地有點不一樣, 記得不要去錯啦 ~

九州廚房地址 : 台北市松山區民生東路五段69巷15號1樓

 

是日我們早到了點, 人未齊之前, 我們將貨架上的東東都翻了一遍.

原來其鬆餅粉有不同口味, 包括了全麥, 原味, 野菜 以及 地瓜,  大家又會喜歡那一種呢 !?

 

來吧 ! 開工囉 ~

說來整個過程簡單到不得了, 與其說是學整鬆餅, 倒不如說我是來搞搞震的吧 !

鬆餅的材料, 就是九州鬆餅的預定混合粉, 加奶 再 加雞蛋, 攪拌好, 就可以下鍋.

講真, 如果有少少煮食習慣的, 一定識得整架.

不過, 我們倒是很享受, 渡過這麼一個吵吵鬧鬧, 又搞搞笑笑的朝早 !

 

自問我對甜品的擺盤没太多研究, 朋友的見得下人, 我的只係由好醜樣, 變成冇咁醜樣.

最重要係貼題 … 魚 !!!

 

 

係人地九州鬆餅廚房玩左一朝, 我地轉移陣地, 去左誠品松菸店那邊逛逛 ~

不過係逛店舖之前, 我地就被春水堂的珍珠奶茶吸引左注意力, 就咁入左去食是日第二餐 … …

 

 

每一回來這裡, 我都會逛一逛吳寶春麵包店.

如果人多就算了, 若不用排太耐隊的話, 我都會買番一個大麵包回港, 第二日早上作早餐.

今回試吃了翡翠香檸和菓子, 覺得比一向買到的鳳梨酥好吃, 口味特別, 但價格唔平 ~

 

今回又走到誠品店外的小巷逛逛, 依然小店 / Cafe 很多, 不過冇咩野買到.

呢附近的地方, 逛下都幾舒服, 就差在天氣太熱了點 … …

 

 

 

 

呢度其實都係松山文創園區的一部份, 以前真係煙廠黎架, 係松山菸廠的舊址.

呢個舊廠房的範圍都幾大, 全都被改動成展覽館, 可同時舉辦多個展覽會, 不過今次就冇乜啱心水的.

松山文創園區 Webpage : http://www.songshanculturalpark.taipei/

 

相反, 呢個文創市集我上回都有逛過.

今次再逛一回, 同樣的有睇頭, 但係我就狂被蚊咬 … … 無奈不能久留囉  ~~

 

時間差不多了, 我們開始往機場出發.

途經友人居住的小區, 就停一停下來, 逛逛當地 Shopping Mall  – Global Mall !

結果反而找到一家不錯的小炒店 – 朱記 ~

這裡的冷盤好好吃, 炒飯也超讚 !!

 

最估唔到呢度竟然有 Miffy x 2% Cafe !

今回無縁吃到, 但店員由得我們走進店中, 又亂逛又拍照的, 下回超想去吃一次 Miffy 蛋糕 !

 

 

好靚呀, 如果大小朋友們好鍾意 Miffy, 呢度開生日會一定會好開心 !!

 

 

好了 !  今回台灣之旅又完成, 今年仲有冇機會再去, 我自己都未知.

總會相信, 我好快又會出現係呢個國家架啦 ~