漂泊中的魚

 

講真, 我真係好多年冇去長洲, 主因 – 怕人多 !

近年的長洲, 冇乜邊個 Weekend 係會少人, 分分鐘仲會旺過旺角添, 因此我真係冇興趣去同人迫.

本星期 Long weekend, 朋友話不如入去行下, 咁咪去下囉 ~

往中環碼頭上船途中, 拍了以下相 ! 鬼咩 ?! 日日都天陰陰, 繼而就落雨 … …  真係好耐未見到藍天啦  ~~

 

為避開人潮, 我們坐了早上 10 時的船, 結果班船都係 Full 架 ~

來到長洲, 第一件事係食早餐, 求其入左間茶餐廳, 品質出奇地好之餘, 仲要價錢相宜, 真係幾抵食架 ~

 

前往長洲東灣的路上, 原來這區大部份適店已被轉成 cafe 及 小店, 早上人流不多, 倒真有小島風情.

朋友介紹要試一下那個紅豆芝士餅, 剛新鮮出爐, 熱辣辣的才是最好吃 ~

 

這裡可算是長洲最熱鬧的海灘 – 長洲東灣 !

人潮未到, 我可以拍下那一片長沙灘 ~~

是日天氣真係好好哦, 有太陽, 加海風, 好舒服的環境,  !!!

 

去過東灣, 那我們就沿著海濱大道, 欣賞著西灣的風景.

呢度係遊人們騎單車的熱門地, 可惜各人之騎車整體水準很參差, 因些走經這裡要多加留神, 唔係都幾易被撞倒 !

 

 

沿路徑前往張保仔洞, 過弓洗手間之後, 直去再轉到前往五行石的分支路上.

接著是要走下石級 及 穿過石縫, 就來到在臨海崖上的行山徑, 呢片海景真係唔錯架, 而且相對黎講唔算多遊人, 要避靜可以考慮先到這邊 ~

 

沿路景色係咪好吸引呢 ?!

呢度有奇岩怪石, 除了吸引行山者之外, 亦是攀山者們的熱鬧練習牆 ~

 

 

來到小沙灘, 剛好是漲潮, 因此我們要找出可以通過的路徑.

結果我就被拍下了手腳並用的情境 ~

 

小山頭呢度有堆石頭, 被取名為 “五行石”, 没有很特別的外型, 就是大大的一舊 ~

好天氣下, 依然蜻蜓四處飛, 莫非好不了多少天的好天氣, 就快要結束 ?!

 

呢度係行山徑盡頭 – 鯆魚灣 !

呢度有著真正水清沙幼的沙灘, 是日水溫稍涼, 最適合在烈日下降溫.

那一刻, 我有點後悔冇帶泳衣及裝備哦 … … 很想下水呢 ~~

 

玩過水, 曝晒過後, 我們收拾好再起程.

回程, 一樣的風景, 不一樣的角度 ~

 

天后廟, 是起點也是終點 !

自備的食水已被喝光, 可想而知那天有多炎熱, 幸好村中有士多, 一片菠蘿次剛好消暑降溫 ~

人進我退, 人潮漸多, 我們快速離開 ~~  

 

 

要避開人潮, 就得選要行得較多的地方, 上斜就係其中之一, 因此長洲山頂道真係唔算多人 ~

行下行下, 仲去埋南氹灣的天后廟前添 !

 

 

入番大街, 剛好是下午茶時間, 新式食店處處爆滿, 反而本地傳統食店没太多人, 而且大多是本地居民, 人情味甚濃 !

我們早入早出, 打算 4 點就離開長洲, 咁就在有限時間內買點本地手信給朋友, 又買下了一大個平安包 !

在某餅店內, 選了個麻蓉饀料的平安包, 回家再蒸番熱黎分著食.

吃下去尤如壽包, 包夠鬆軟, 麻蓉不算太甜, 係好味之選 !

 

 

坐完一程船, 好似上左癮咁, 我就再坐一回, 於中環上了往尖沙咀的渡海小輪 !

嘩 … 今回黃昏景真係好靚, 不知為何在海上起了一層薄霧, 色帶金黃, Relax ~~~