本星期放工, 我快快手開車入白沙灣, 跟朋友們齊齊來個夜潛 !
這晚 7:30 開船, 四級風下, 出到海都真係幾大湧下, 快快手 set 架生跳落水好了 ~
第一潛, 係去左孖排 ! 我真係未去過呢度, 仲有個咁得意的名, 我開頭以為呢度有 2 個孖住的漁排添 … 呵呵 ~
是日水溫 25 度, 淺水頗清, 但一過了 10 米以上就開始混濁.
冇諗到, 只用三防機都可以影中呢隻蝦仔喎 ~
睇下淺水區都真係幾清 ~
有唔潛水的朋友, 成日問我夜潛究竟係點架 ?! 係咪好恐怖架 ?!
今回就影下係黑麻麻的環境下, 就靠一人一電筒去四圍搵野影.
其實我地潛慣左, 反而會鍾意夜潛多點, 環境平靜點, 人又少一點, 動物又 calm 一點, 唔錯架 ~
嘩 !! 燒雞翼呀 !!
出走左半年, 好耐冇食呢度的燒雞翼啦 !
呢晚竟然仲有蟹粥添, 好伙食到呢 ~
由於出邊風浪太大, 很多潛友都出現一些暈船情況, 因此我們改回內灣, 去左威士忌灣 !
果然呢度風平浪靜多了, 食飽飽大家都各自下水去 ~
今回水深大約 6m 左右, 再落得深又係開始濁水, 唯有沿住邊黎玩 ~
估唔到, 玩下玩下都幾多野影丫 ~
每次見到佢, 我都會諗到奈良美智筆下的那個女孩.
雞泡仔睡得好熟, 我們在牠身邊影黎影去都唔醒, Buddy 仲要幫佢的牙仔來個 Close up 添呀 ~
游過咪八卦望幾下, 點知真係有發現 !
呢晚潛得好舒服, 我成日覺得潛水就好似做左個 water spa 咁, 潛個陣好 relax, 潛完成個人輕鬆晒 !
潛水跟行山都好唔同, 因此我真係要上山又下海先得 ~
臨上水都俾我發現左佢, 八爪魚呀 !!
八爪魚個樣,我覺得點影都係咁醜樣架囉 ~
上水後, 剛好同船有人們在釣墨魚, 這晚收鑊甚豐, 而我們則有口福了 !!
