離開了 Windermere, 開車往預訂好的 B&B 進發, 這間 B&B 的位置比較山卡啦, 係 Lake District 西北方, 正正位於 Bassenthwaite Lake 旁邊, 以 grade 來說應該唔係好高 (其實 B&B 有好多個 grading system, 我都搞唔清楚 !), 不過價錢算幾抵架, 3 人房大概係 25 pounds pppn 啦, 就等我介紹一下先 !!
B&B 的外觀, um … 好平凡的大屋咁囉 ….
入到屋內, 真係好鬼cosy, 最開心住到舊得黎又乾淨整齊的 B&B 架 ~ 
B&B 的公用大廳, 好鬼 English !
我們的三人房, 全屋最嘈就係我地, 好在我地早訓咋 !
好一條死屍 … 其實我都唔想架, 開左 3 個幾鐘車嘛 !
怕且放得太多泡泡粉, 一沖完水就係咁嘔泡
係 B&B 安頓好了, 我地又再出門, 本想步行到附近的 Bassenthwaite Lake 湖畔, 但真係又凍又大風, 行唔夠 2 步就即刻衝番上車, 算了, 改變主意, 還是開車過去好了 ! 這個湖是 Lake District Area 內比較受忽略的地方, 係因為附近没有大城, 還是没有出名景點呢 ?! 不過名氣不夠, 卻不代表没有好風景, 可惜這天天氣有點差, 襯托不出湖的美麗 ~
晚餐到了由 B&B 主人介紹的酒店餐廳, 到埗時見到門口泊滿了車, 還以為這間山卡啦酒店那麼受歡迎, 點知入到餐廳頓時感到 "中招了 !?", 餐廳內只有一枱人, 打開 Menu 才發現冇 a la carte menu, 只係一人一份, 價值 33 pounds 的 set dinner.
這個 3 course meals 雖然算偏貴了點, 但其實味道都不錯架 ! 我地 3 人同時睇中了頭盤的"意式香腸燴土產青口", 醬汁非常惹味, 青口新鮮, 連我平日唔愛吃的意式腸都變得易入口了, 好味 ! 我的主菜係 "煙肉雞卷", 其實整體都好食架, 只係過咸了 (但傳統英國人煮野係咁咸架 !), 令我要不停地喝水 囉 … 最後上來的 3 個甜品, 賣相就非常討好, 可惜食落就有點失色, 令這晚餐劃上了一個不完美的句號, 就係咁先令人激氣嘛 ! 呀, 話時話, 第一次食焗無花果, 食落竟然有一陣海帶綠豆沙的味道, 真奇怪 ?!
