漂泊中的魚

係 ! 冇錯, 今年我地決定係今日開季 !

明明早兩日仲有 20 幾度, 點知今日一黎就跌到得番 15 度, 咁的天氣去開季, 真係少點勇氣都落唔到水呀 ~

今回跟海天出, 潛點 – 吊鐘洲 !

咁鬼凍又咁鬼早出海為左咩 ?! 就係為左一落水就睇到的 – 馬尾藻 !

第一潛 : 係水溫只有 21 度的情況下, 我地竟然可以玩足一支 55 分鐘, 仲俾我係咁往深水潛到 13 米, 有時我都覺得我地係傻傻地架 !

馬尾藻, 根據漁農自然護理處的介紹 : “香港水域錄得的大型底棲藻類高達二百個品種，在香港東面水域眾多的海藻品種當中，屬於褐藻的馬尾藻可算是當中的優勢品種，牠們能抵禦較強或中等強度的海浪。香港的海藻具有明顯的季節性變化，冬季月份 (十月至五月) 通常是海藻生長最繁盛的時期，然而夏季月份 (六月至九月) 大多消失不見。馬尾藻在冬天會進行有性繁殖，在葉狀構造表層形成的囊中藏有能夠繁殖後代的雌、雄配子，受精的接合子會隨著海流尋找新的適當地點附著，長成新的個體。海藻亦能藉藻體的片斷來進行無性繁殖，片斷脫離群體後便可以繼續生長發育成新的群體。

馬尾藻可生長至二至三米高，牠們茂密的生長形態形成馬尾藻床，為不同的海洋生物幼體 (魚類和無脊椎動物，例如﹕軟體動物、海膽) 提供庇護所，以避開天敵及湍急水流。”

除了馬尾藻之外, 是日兩潛唔算太多野睇, 但勝在水很清 !

可惜了, 呢個時間竟然未能見到兔兔 !!

剛買了新三防相機, 當然要試一試效果, 不過暫時未太捉摸到, 尤其 focus 似乎有點偏差, 要再多加練習 !

是日水算清, 有魚樂無窮的感覺 ~

我地仲潛潛下見到條沙巴躉添呀 !!

上水前再試去拍下藻藻 !

上左水吹左陣風, 凍到半死實在要用好大決心, 先落到去第二潛 !

今回只玩左半支氣, 一共 39 分鐘, 最深去到 6.7m, 睇咩 ?! 藻 ! 全部都係馬藻呀 !!

二潛完成, 我可以安心咁食燒雞翼啦 !

雖然有點凍, 但水療原來更重要, 期待再落多轉水 !!