剛由 Manchester 開車回家, 感到非常眼訓 …
今日係番新工的第一天, Dept 卻只剩下 4 人, 其他人不是 on A/L 就係 off sick, 聽聞 dept christmas 前俾 serious flu 洗劫完, 今日上班的 4 人當中, 有 2 位尚未完全康復, 真係怕會惹到我, 而我放工後真係有點頭痛 & 骨痛, 希望只係第一天上班太頻撲, 所以有點過勞啦 ~
第一天番工, 要處理的 admin work 都唔少, 加上佢地已經開始帶我落 wards, 加加埋埋都幾多野要記 ! 佢地為求我盡快開工, 下星期的 induction week 由 5 日 cut 到 2 日, 不過我都覺得 ok, 冇謂浪費時間, 加上意外發現我似乎對入番醫院工作唔係咁陌生, 哈, 幾有信心好快可以正式"見客"啦 ~
我仲趁有空閒, 跑到我的醫院臨時住宿參觀了一下, 嘩 ! 比我想像中要好多了, 整齊簡單, 設備都幾齊全, 加上可能還在放假 or 於上班時間, 没什麼住客出現, 整橦住宅非常安靜, 本星期等我影低幾張相先 !! 不過最最最重要的係其住置非常近我 dept, 只要過一條走廊 (連 Building 都唔洗出) 就到架啦, 真係點都唔會番工遲到啦o卦 ~
總括來說, 番完這第一天, 感覺幾 Positive, 同事們都頗容易相處, 而我亦尚未顯露出我的低 B 本性, 就看看之後 11 個星期會如何啦 ~