早兩個星期前, 當時疫倩未有咁嚴重之際, 我跟朋友們去了一趟吉澳 與 鴨洲 !
以前想去吉澳係要自己 book 船架, 而自從去年 9 月開了一條新渡輪航線之後, 大家只要到馬料水新碼頭 (唔係去東平洲o個個喎 !), 就可以坐船一次過去晒鴨洲, 接住去埋吉澳架啦 !
這條航線的船程頗長, 單單由馬料水前往吉澳就要差不多 90 分鐘, 所以回程由吉澳開出的班次也頗早, 下午 3:30 就要走了 ! 去程途中會經過鬼面 & 鬼手岩, 接著還會經過紅石門架, 兩個景點皆係行山長線之旅, 冇番咁上下行山經驗都唔係咁易行得完呀 ~
吉澳 / 鴨洲街渡資料 : https://www.td.gov.hk/tc/transport_in_hong_kong/public_transport/ferries/kaito_services_map/service_details/index.html#k18
渡輪會先停靠到吉澳, 落一落貨, 直接就再次開出前往鴨洲 …
鴨洲島如其名, 遠看就如一隻鴨趴伏在海面上 !
從側面可以清晰看到鴨頭、鴨眼 & 鴨咀 ; 而鴨頭方向的正面都有幾份似樣, 頗有趣的一個小島 ~
鴨洲係香港面積最少又卻又有人居住的小島黎架 !
鴨洲面積不大, 如果徒步環島走一圈的話, 也只需 15 – 20 分鐘左右, 不過卻可以看到多種典型的海蝕地貌 !
不過當我們踏上鴨洲, 漁村之規模看上去不少, 如今卻只住了不足 10 戶人.
題外話 : 剛上岸就看到釣魚人將一條金黃色的 blenny 釣了上來, 好可惜哦, 我還想在海中見到佢地, 同佢地影相架 ~
島上有一個 “鴨洲故事館” , 內裡展覽了鴨洲的漁村歷史, 包括了村民的衣、食、住、行 及 本地方言, 仲有介紹下小朋友喜愛的傳統小遊戲.
鴨洲地質獨特, 原來可以見到香港罕見的紅色角礫岩, 而這裡也曾出現過已絕種的古代生物 …
在霧中環島行, 呢度又係一個可以影勁多 cover photos 之場景地 …
呢度的海邊真係幾靚架, 尤其那片海苔地毯, 仲有石岩邊的鬼爪螺 ~
呢度都有馬尾藻呀 !
香港罕見的紅色角礫岩 …
鴨洲的鴨眼, 簡真係打卡熱點, 基本上成船人就聚集在這裡 …
等左好一陣, 都快要起步回程, 才得到空檔位影張冇人相 ~
預好時間差唔多回碼頭, 大約中午 12 點半, 渡輪就會由鴨洲駛回吉澳架啦, 唔好遲到呀 ~
到達吉澳, 我們先去吃午飯 !
朋友們已經黎過吉澳, 知道呢間 榮記海鮮館 有好野食, 但宜預先打電話去訂菜, 否則到埗先下單的話, 起碼要等大半個小時 ! 多得朋友預先訂枱, 我地坐低冇耐就有得食啦 ~
榮記海鮮館 FB Page : https://www.facebook.com/%E5%90%89%E6%BE%B3%E6%A6%AE%E8%A8%98%E6%B5%B7%E9%AE%AE%E9%A4%A8%E7%A7%81%E6%88%BF%E8%8F%9C-363526513996314/
我地三個人, 點左 5 碟餸, 好堅 !
推介 : 椒鹽墨魚咀、蒽油白切雞、足料海膽炒飯, 勁在連佢個油菜都好好食 !
海鮮館隔離有個小食檔, 專賣茶棵、西米糕 及 糯米糍等糕點, 款式多而味道不錯, 其中吃到了蘿蔔茶棵, 幾獨特的味道, 幾唔錯架 ~~
大家記得黎到買黎試下 !
吉澳如今是個很安靜的漁村, 卻也擁有過盛極一時之輝煌歷史 !
高峰時期曾有多達過萬人聚居於這個小島之上, 這要歸功於其理想的地理位置, 加上擁有多個有如天然避風港的海灣, 令這個小島成為當時其中一個重要市集, 島上曾開設了各式商舖, 非常繁華 ~
不過自從漁鑊減少, 村民在島上的生活變得艱苦, 因此大多遷離至海外又或市區了, 如令只有 weekend 才會令這個小島再次充滿了 “人氣” ~
呢度好多被大樹佔據了的舊建築, 反而有著另一種美 ~
村中不少樓房都是日久失修的, 當中更有已倒塌了的, 因此不要亂闖哦 !
難得來到, 應要去一下值得一遊的吉澳故事館 !
有時間請聽下講解員的介紹, 大家可能會發現到吉澳傳統的另一面 !
傳統服之客家花帶, 唔介紹都唔知每個圖案都有其意思 …
呢個電話, 究竟仲有冇人識用架呢 ?!
古時地圖上早有吉澳之名, 而且這區也曾是產珍珠之地, 是可以用來上貢之質素哦 !
吉澳最古老之建築物 : 天后宮, 已是有著過百年之歷史了 ~
在吉澳走著走著, 天開始下著雨, 遊興略減, 我們只好在舊漁村中穿梳, 我依舊對海邊小屋有著無限幻想 …. 好想有一家位於海邊的 B&B 哦 ~
話咁快就下午 3 點多, 回程渡輪到達可以登船了 ~
回程期間的 Bonus : 竟然見到 Full Arch 彩虹呀 , Lucky ~~
無意中在前往大學站之時, 都可以有靚景影架喎 …
