(Photo by Kathleen Ho)
上一篇講到星期六黑雨後的下潛, 我們得到了意外驚喜 !
到左星期日就係紅雨掛足大半天, 我地就咁係雷電交加, 橫風橫雨下出船 …
望見海水的顏色, 再抬頭望下天係咁閃黎閃去, 我們都感概了一下, 為左潛水, 係咪真係熱血到咁呀 ?!
係紅雨下的火石, 瀑布處處, 係我地少見的雨中景象, 碓實帶著另一種的美態, 大家笑說係咪唔覺意去左冰島, 呢度係咪叫 “Basaltfoss” 呢 ?!
Foss 一字, 去過冰島的都應該知點解架啦 ~
到達火石, 天氣似乎轉好, 海面平復了一點, 就差那雷電交加仍在, 唯有快快跳船 desecend 入水啦 ~~
第一潛落到去, 過左 8m 已經好凍, 23 度水, 唯有留係 5m 水以上沿岸玩, 咁都可以玩足 60 分鐘 !
上得數魚船, 見到的, 影到的, 全是魚 !!
呢隻烏咀狗 (黑斑 Puffer) 真係好過癮, 跟住佢亂遊一番 ….
仲有佢地 …香港海底中常見的 ~
今回無啦啦係石上搵到隻黑餃子 兔兔 !
雖然水面雨下個不停, 但水底難得地還是頗清 ~
無啦啦係石縫中, 找到了無數咁多對眼仔, 好得意架 ~~
上水做功課是常識, 潛完一潛食午飯也是重點, 竟然係船上有炆牛腩食, 好幸褔 & 滿足 !
第二潛只有更凍, 我地一直 fin 到埋岸先, 順便近距離欣賞一下個海蝕洞 !
水凍都唔願深潛, 7m 水都係 23 度, 結果呢大半個鐘就係咁沿石岸搵野 ~
又係魚呀 ~~
話時話 (相一) 呢條石剎婆平時溫溫馴馴咁, 一到求偶期都幾惡, 成日去攻擊同驅趕其他魚 !
鍾意呢一張, 親子時間 …
其他海中小生物, 影下影下都幾多野睇架喎 !?
兩潛完成, 可以回程 !
