難得又可以閒日去潛水啦 ~
最近天氣總是不錯, 不過水下溫度卻越來越凍, 真係好古怪呀 !
呢日我地可以出遠一點, 去到尖洲, 下潛點就在爛頭排 ~
第一潛最深可以落到 13.4m, 24 度水下玩左 54 分鐘, Avg 係 9.5m, 能見度都有 5 – 6m 的 !!
落水冇耐就見到呢條 Cockerel Wrasse, 明明游得好地地, 點知係某平石位上, 竟然見到佢係度瞓覺, 仲瞓到成身魚鯺張開晒, 好似死左咁近一近都冇反應, 搞到我真係以為佢就黎死架 … 點知影影下佢, 佢就突然驚醒左咁, 閃個身就游走左 …
無意中又俾我係石縫中搵到佢, 終於呢次佢唔係玩倒掉啦 !
呢條橙頭仔 Goby 原來住係隻 Clam 身前, 最有趣係影影下, 連佢身前 2 隻蟹仔都出埋場 !
水下魚類合集, 經過呢一季好努力咁翻魚書, 都終於認得下嗰 d 唔係銀色的魚 !
獅子魚、荔枝魚、蠔妓、沙鯭 …
醫生魚時間, 最近常常經過佢地的清潔站, 近距離靜靜咁睇佢地同其他魚的互動, 好治癒的 !
Puffer 係其中一種我唔會影到厭的魚 !
真係成海都係魚架 !!
黎到淺水區, 梗係一樣有野玩, 齊齊找那笨笨樣的 Blennies 吧 !
第二潛, 再次回到東壩, Buddies 們都話好似去探朋友咁, 即管睇下呢次又見到 d 咩好野啦 !
呢潛玩到唔捨得走, 62 分鐘, 最深 7m, 但長期留在 4m 左右, 影左超多相 !
如果水清又有太陽, 其實東壩個水底場景真係靚架 ~
小小的 Barracuda 可算是東壩名物, 今回就仲大群, 有大有小的多達 20 多條 ~
9 號吊呀 ! 唔係粗口黎架, 而家我地將 “吊” 呢種魚用 no 代名, 係呢條船上一講即明 !
大隻仔咁樣的咬手仔 !
Bird Wrasse 2 色都見到, 但實在游得太快, 追到都影唔好 !
巨型的單印蝶, 東壩的蝶總係咁鬼大條架喎 !
由呢條 Dartfish 引發出來的 Sixbar Wrasse !
雞魚, 呢潛成日呆望住我的雞魚 !
呢日有幸遇到的 Big Mouth 兔，又名 Melibe !
遠望以為係 jellyfish，近睇成隻野就好似 alien 咁，非常古怪呀 …
遇見佢時，佢剛由沙地升起舞動中，好聽叫舞動，難聽就佢無啦啦係度 “典黎典去” 囉 !
躲到洞中的咬手仔, 好近鏡哦 !
白兔仔咁的兔兔 !
呢潛見到好多款 Wrasses, 今次係 Floral wrasse !
近期好似開左眼咁, 就黎每個潛日都會起碼見一次呢種 wrasse, 而且好多次都係醫生魚個 cleaning station 附近見到佢好嘆咁, 唔通佢真係好愛被清潔咩 ?!
死啦 ! 呢條係邊個個 B 呀 !?
躲在洞中的 Raccoon !
臨上水前, 仲見埋 Batfish, 都話東壩真係好多野睇架啦 !
