今年因為疫情關係, 冇得去塱原幫手收米, 難得又有朋友們想入去行下, 咁咪齊齊去影下相啦 ~
呢度有間豆品廠, 間唔中都會去幫襯碗豆花架, 鍾意仲可以黎個任食豆花, 但原來佢個素鵝都幾好食架喎, 下次可以去買多幾份番屋企煮呢 ~
過左雙魚河, 就係塱原濕地, 今年呢邊冇左米田, 但卻換成了天空之鏡 !
藍天白雲就咁倒影在水田之上, 成幅水彩畫咁架 ~
塱原這裡時常保持一片翠綠, 明明呢度好地地咁, 就係政府硬要收番黎搞東搞西, 而次次俾政府搞過的地方都一鑊粥咁, 真係唔搞好過搞囉 !
最後, 都俾我地係呢度搵到一塊稻田 !
塱原濕地係咪好靚呢 ?!
反正黎開塱原, 就順便去埋朋友佢地嗰片稻田參觀下 ~~
令人又愛又恨的農田, 望上去好靚, 落過場收米就知有幾辛苦了 ~~
農地上總會找到不少昆蟲, 估唔到走咁近佢地都得, 仲影埋相添架 !
呢日真係好熱, 係田中曬住咁逛逛走走, 都玩了好幾小時, 真係都冇乜勞動過, 結果還是爆汗到件衫都濕透呀 !
