Day 2 – 唔知係咪我黑仔, 間唔中帶著英國的天氣出門, 起床就發現天色陰暗, 但唔理得咁多了, 呢日係我第一日落水, Diving Instructor 準時到逹 apartment 來接我, 我地先到 Dive shop 執架生, 接埋另一個 diver 就一齊開車出發, 第一日的 dive sites 竟然係到 Gozo 小島喎, 嘩 !! 真係有點意外架, 還為先以本島開始添 ~
一行三人飛車到 Gozo Ferry Terminal, 我地連人帶車排隊上船, 等候期間, 先幫呢架將會載我 4 日的戰車影張相先, 車雖然有點殘舊, 但我地去潛水呀, 要架靚車做乜喎, 潛完咪又係污污糟糟 & 濕淋淋地坐回車上, 最重要係殘車冇咁惹人偷野嘛, 話晒我地都係隨街泊, 落水時乜都掉係架車上 ….
Gozo 係 Malta 三島之一, 坐 Ferry 由本島開到 Gozo 的 Mgarr Harbour, 大約只要 30 mins, 船上無聊的我, 跟著這 2 個英國大男人 跑到小食部買杯飲品, 跟他們隨便地閒聊一下 (唉.. 來到這裡還是跟英國人打交道….), 最後還是耐不住要跑到 open deck 上, 難得坐船又怎可以不去欣賞沿途景色呢 !!!
到了 Mgarr Harbour, Mgarr 只是一個寧靜的小村落, 除了 Ferry 上落客時頗為熱鬧外, 其餘時間都没甚麼遊人, 好幾家海邊餐廳亦已關門, 可能是附近没什麼景點加上到了 peak season 的尾聲吧.
由這裡開車到 dive sites 的所在地 – Dwejra, 位處於 Gozo 島的另一端, 可能剛好是星期六, 遊客特別的多, 加上島上車路頗為狹窄, 人車爭路的情況時常出現, 當車經過島中心的 main town 時, 還真的非常塞車 !!
幸好過了 main town 後一路暢通, 直踩到 Dwejra, 這裡是一個天然景點, 周邊除了一座教堂, 一個小食停及一片大空地作停車場及巴士站外, 就没甚麼其他設施 or 建築 !! 嘩, 真唔可以相信一個小小景點, 竟然引來如此多遊客, 大型旅遊巴士來完一架又一架, 來此潛水的 tour group 都不少, 全因這裡的 Blue Hole 係當地潛界的名點 !!
我地即場開始 set gear, 好一陣子冇上樽, 真的忘了 8 成, 要 instructor 不停提醒才記得怎去安裝, 還好他亦清楚我好一陣子冇潛水, 很有耐心地跟我 go thro 一些 basic signal 及 每一個 dive 前都會詳細講解 dive plan. 我第一次穿 2 件頭的 5 mm, 嘩.. 穿上之後差點呼吸困難 … 
這裡景點就是位於 Blue Hole 旁的 Azure Window. 呢一日我一共潛了 3 個 dives, 頭 2 個都於 Blue hole, 最後一個則是附近的 Inland sea. Blue hole 還真的是 blue hole, 水色一片藍, 入水後要先穿越一個水底的天然 stone arch, 出到去 open sea 轉左 / 轉右就可以沿 cliff 而潛.
由於當日是 re-introduction day, 我還未夠信心, 所以没有帶水底相機下水 (現在想來有點後悔 !). 這 2 個 dives, 我見到了好幾條 Braccuda 靜靜定於 cliff 旁, 回程時還見識了小吞拿魚們的群體獵食小魚群, 真有如 Discovery Channel 上所見到的小型版 !! 值得一提是 blue hole 內有一個小山洞, 潛入去回望 blue hole, 會見到一片非常漂亮的藍色, 如用相機拍下來, 整個構圖應該非常美 !
Inland Sea 其實只是位於 Blue hole 斜後方, 這裡亦是個上船點, 遊客若想乘船出海觀賞 Azure Window, 就可以來這個小碼頭. 此地稱為 Inland Sea 是因為這個如小湖般的水池, 其實是海水, 由此內海沿相中右方 tunnel, 可直穿 open sea. 這個 dive 没什麼看頭, 但卻頗好玩, 小船在水面上走, 我地卻在黑麻麻的水底中潛著, 偶爾聽到聲音, 抬頭一望就見到船底閃過 ….
回程時間又到了, 剛好又趕不上船, 等船期間, 先影一下我的 diving instruction, 由 UK 移居到 Malta 的中年男人, 教潛水時都很有耐性, 落水後都多多動作, 而且非常好玩,跟著他去潛水都幾開心架, 至少佢肯做我 Model !!
